تامر عاشور يبرئ أهل شيرين عبد الوهاب من اتهامات حسام حبيب
كتب: سماح غنيم
برأ الفنان تامر عاشور، أسرة الفناة شيرين عبدالوهاب من الاتهامات التي انتشرت خلال الساعات الماضية ونسبت لطليقها الفنان حسام حبيب.
ونشر تامر عاشور عبر صفحته الشخصية على موقع إكس منشورا، قال فيه:
"كل اللي اقدر أقوله في موضوع شيرين عبد الوهاب .. ان مفيش كلمة واحدة بس من اللي اتقالت وانتشرت صح أنا قريب من اهل شيرين ووالدتها واخوها .. أنا برضه أقولها إني بحبها وكل الدنيا بتحبها وتحب فنها …
أهل شيرين مظهروش ف حياتها اخر سنتين تلاته اهل شيرين هم اهل شيرين من زمان كل نجاحات شيرين كانت وسط أهلها وناسها اللي يشيلوها من ع الأرض شيل … يارب يبعد عنها كل خبيث واناني وفاشل وممثل . هي اطيب منهم كلهم وهم اللي وقعوها فكل مشاكلها "انت بمن حولك " لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهولة .
أنا كلت عيش وملح ف بيتها وف بيت امها واخوها وكان لازم أقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحة … اهل شيرين هم هم اهل شيرين من زمان قوي .. بالعقل".
