لوسي: الرقص حلال عشان في النور مش أوض النوم

تحدثت الفنانة لوسي، عن الرقص الشرقي خلال لقائها في برنامج عندي سؤال، والمذاع على قناة المشهد اللبنانية، قائلة: الحرام الزنا والقتل والنصب والسرقة والاغتصاب، الحرام كتير وبيبقى في الضلمة، لكن الحلال دايما في النور والرقص مش في أوض النوم، في المسارح والأفراح وأكبر دول أوروبا.

وأضافت لوسي: عندي شهادات إني أحسن سفير لبلدي في الأخلاق والفن والاحترام، بس أنا اللي سبت الرقص مش هو اللي سابني، أنا لما لما دخلت معهد البالية مكنتش عارفة إني بحب الفن كده والرقص بالذات، كنت يوميا بتحزم وأرقص وكنت بميل لمحمد رشدي، ومحمد قنديل، وكنت بروح المدرسة اقولهم والله أنا كنت برقص أمبارح قدام محمد رشدي، في قناعتي أن حلفاني في مكاني، والأعمال بالنيات.

وتابعت: السينما شوهت صورة الراقصة، وأظهرتها فى صورة خطافة رجالة، فى حين أن هناك سيدات من مهن أخرى قامت بخطف أزواج، وبغضب لما حد يقول فلوس الرقص حلال وحرام، فأنا اعمل راقصة وأكسب أموال وادفع ضرائب.