الحكاية الكاملة لـ سمر فتاة جامعة أسيوط... وتصرح: «أنا بس كنت بفرح»

حالة من الجدل ثارت على صفحات التواصل الاجتماعي حول فيديو جديد ظهر لإحدى الطالبات في جامعة أسيوط وهي تحتفل بحفل تخرجها، والفيديو نال نقد الكثيرين والدفاع من آخرين وهو الأمر الذي جعل من سمر حديث الساعة. 

وظهرت الفتاة عبر تطبيق السوشيال ميديا من خلال فيديو تصرح أنها لم تكن تنوي إثارة الجدل، بل كانت تعبر فقط عن فرحتها الكبيرة بمناسبة التخرج بحضورعائلتها وأصدقائها، وأكدت أن الرقص كان مجرد طريقة للتعبير عن الفرح والسعادة، ولم تتوقع أن يصل الأمر إلى هذا الحد.  

وأشارت سمر أنها تفهم التباين في الآراء وتقديرات الناس، مؤكدة على حقها في التعبير عن نفسها بالطريقة التي تراها مناسبة، دون أن تتعرض للانتقادات الشديدة والمواقف السلبية التي تعرضت لها بعد انتشار الفيديو. 

وعندما زاد الهجوم عليها في التعليقات عبر تطبيق الفيسبوك صرحت في تعليق قائله «أنا مش طالعة أبرر بس دي كانت حفلة تخرجي، وأنا طلعت رقصت عادي مفيهاش حاجة لافتة، ما فيه ناس بترقص في الفرح هل الفرح يفرق عن حفلة التخرج»

أضافت طالبة أسيوط «أنا فرحتي كانت فرحة عادية ومكنتش بعمل كده عشان أطلع ترند والكلام الفاضي ده، أنا كان حواليا أصحابي وأهلي وحبايبي، لكن الناس استغلت ده عشان يشهروا بيا، أنا طلعت رديت من بشاعة الكلام، أهلي عارفيني كويس أوي وهما عارفين بنتهم بتعمل إيه مفيش حاجة في الخفاء، وإخواتي رجالة يسدوا عين الشمس ومش بعمل حاجة من وراهم خالص»«أنا بتشرف بالكلية بتاعتي ودكاترتي بأي حق تغلطوا فيهم، أنا هاخد إجراءات قانونية ضد أي حد شهّر بيا، والناس اللي فجأة عملوا شيوخ وحكموا عليا مش إنتو اللي هتقولولي الحرام والحلال إيه، كل شخص يركز في حياته وكفاية كلام بالباطل، وأنا خصيمة أي حد اتكلم عن عرضي وشرفي)

وصرحت سمر، من خلال مداخلة هاتفية مع الإعلامية عزة مصطفى في برنامج «صالة التحرير» المذاع عبر قناة «صدى البلد»: كنت بفرح زي أي حد في حفلة التخرج، بعد ما تعبت كتير، أنا خريجة كلية تربية رياضية جامعة أسيوط، واللي عملته ما سموش رقص، أنا مرقصتش، لكن وجدت كمية انتقادات، واللي يقول ولا اجدعها رقاصة

والمفاجاة اللي حدثت في المداخله قالت: «أنا نفسي أكون بلوجر، بصور فوتوشيشن حاليا في أسيوط سواء كان ملابس أو مكيب، الموضوع مش في دماغي أوي، هحاول أتخطى الفترة دي وهشوف هقدر أكمل في مشروع البلوجر أو المحتوى اللي ممكن أقدمه أو أسيب السوشيال ميديا بسبب كلام الناس على فيديو حفلة التخرج ووجهت رسالة لمنتقديها: «أنا مش تافهة، أنا مدربة ولاعبة تايكوندو وشخصية رياضية معروفة وناجحة، مش التريند اللي هينجحني»

وختمت وهي تبكي: «بدل ما افتكر التخرج بحاجة كويسة، حولوه لكابوس، أنا مكسوفة ومش عارفة أواجه الناس، أنا معملتش حاجة، والناس بتهين أهلي، أنا اللي كتبت على الوشاح أنا هنا بتعب أبويا ودعاء أمي»

وردت عليها الإعلامية عزة مصطفى، قائلة: «اوعى تعيطي، خليكي قوية، وأهلك على راسنا ما عاش اللي يهينهم، افرحي وانبسطي، انت بنت بـ100 راجل، واللي عملوه هيترد لهم يا حبيبتي»