شيري عادل: الانفصال أفضل من أنك تكمل وأنت مش سعيد وعمري ما اعترضت على أقدار ربنا
كتب: نسرين إبراهيم
تحدثت الفنانة شيري عادل، لأول مرة عن انفصالها عن زوجها طارق صبري، والكثير من التفاصيل عن حياتها الشخصية، وذلك خلال لقائها ضمن برنامج بودكاست.
وأطلقت شيري عادل العديد من التصريحات والتي نستعرضها من خلال السطور التالية:
-محستش بـ تغيير في حياتي بعد الانفصال، وبشوف إنه قسمة ونصيب والإنسان مالهوش دخل فيها، والناس أحسن تخرج بالمعروف.
- الانفصال أفضل من أنك تكمل في شكل اجتماعي وأنت مش سعيد، وعمري ما اعترضت على أقدار ربنا.
- طيبتي متخلنيش أدي فرصة تانية لأي شخص ومستحيل أعمل كده، وأنا مش بؤمن بالمستحيل في حياتي، ولكن شخصيتي ماتديش فرصة تانية.
-بحب الفن ومرتبطه بيه جدًا من وأنا صغيرة والقصص والورق والدراما وإنني أعيش شخصية حاجة بنتمي إليها.
-نشأتي وسط أهلي وصحابي في المدرسة أهم شيء في حياتي، ولسه مرتبطين ببعض زي الأخوات.
-مامتي كانت أقرب ليا من بابا ولكن هو أغلى حاجة وأول بطل في حياتي وهو عنده قصص لكل العالم.
-بحس بنعمة إني عديت فترة وفاة والدي ومن كتر الحزن نسيت الفترة دي وأنا الصدمة بالنسبالي كانت وحشة.
-والدي كان رافض فكرة تمثيلي بشكل نهائي، وقال لي أنا ضد الفكرة بس أنا أصريت وماما وقفت جمبي ولما بدأت هو قالي أنا فخور بيكي.
- بقول لبابا وحشتني والدنيا من غيرك مالهاش طعم.
