«أخ وسند حقيقي».. شقيق شيرين عبد الوهاب يوجه رسالة لـ تامر عاشور

حرص محمد شقيق الفنانة شيرين عبدالوهاب على توجيه رسالة شكر للمطرب تامر عاشور بعد مساندته له ولشقيقته، عقب الأزمة المشتعلة بين شقيقته وطليقها المطرب حسام حبيب.

وقال شقيق شيرين عبدالوهاب، في منشور له عبر حسابه الرسمي بموقع التواصل الاجتماعي «فيس بوك»:«الصاحب اللي بجد بيبان وقت الشدة مش العكس، ربنا يخليك ليا يا ابو ايام وميحرمنيش منك طول العمر بحق أذان المغرب دا يكرمك ويسعدك ويرزقك، ويوسع رزقك أخ وصاحب وضهر وسند حقيقي».

وكان تامر عاشور سبق وكتب وقت أزمة التسريبات الصوتية لحسام حبيب مدافعا عن أهل شيرين كاتبا : "كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل، يارب يبعد عنها كل خبيث وأناني وفاشل وممثل".

اقرأ أيضا: نيللي كريم عن تصريحات زوجها السابق هشام عاشور: مش هتكلم عن حياتي الشخصية