مسلم يعلن فسخ خطوبته: خسرت كتير قوي من حياتي ووقتي
كتب: نسرين إبراهيم
أعلن المغني مسلم انفصاله عن خطيبته يارا تامر مجددا.
وكتب مسلم عبر خاصية القصص القصيرة في حسابه على إنستجرام: "محتاج أقول حاجة يمكن مش هتكون مهمة قوي للناس دلوقتي لأن حاسس أن الناس زهقت من الموضوع ده، بس حبيت أوضح علشان رضيت ضميري قدام ربنا".
وتابع مسلم: "تم فسخ خطوبتي من يارا تامر وأتمنى لي حياة جميلة ونجاح واستمرار لأن حاولنا كتير وأنا خسرت كتير قوي من حياتي ووقتي قصاد التجربة دي وفشلت".
وأكمل مسلم: "الحمد لله بحمد ربنا أنه بين لي كل حاجة تخليني أبقى في حالي، وأسف لنفسي مرة تانية والمرة دي بجد اتعلمت الدرس شكرا المرة دي اتقفل الموضوع نهائي".
وكان مسلم فاجأ متابعيه في مايو الماضي بإعلانه فسخ خطبته من يارا تامر، بعد أسابيع من احتفاله بخطبته في قصر البارون وسط عدد من نجوم الوسط الفني، كما وحذف مسلم جميع صور خطوبته من حسابه الشخصي بموقع إنستجرام.
