علاء عوض: جميلة عوض الدلوعة بتاعتنا ودخلت التمثيل بلا واسطة

كشف الفنان علاء عوض عن علاقته بابنة شقيقه الفنانة جميلة عوض، مؤكدا أنها لم تعتمد على الواسطة في دخول الوسط الفني وفاجأتهم جميعا بمشاركتها وأدائها في مسلسل "تحت السيطرة".

وقال علاء عوض خلال لقائه في برنامج "كلام الناس" من تقديم ياسمين عز عبر قناة mbc مصر: "جميلة عملت لنا مفاجأة كلنا على جميع المستويات، على مستوى أنها ابتدت بـ"تحت السيطرة" جميلة مبتدخنش أصلا فلما تعمل دور واحدة مدمنة ودور صعب وتعمله بالإتقان ده ذهول".

وتابع علاء عوض: "المفاجأة التانية إنها عمرها ما كانت بتتكلم في الموضوع دا، ممكن الحكاية مختزنة جواها، هي بتحب تغني من وهي صغيرة وكانت الدلوعة بتاعتنا كلنا، وهي متحاوطة جينات من أول الجد والأب والأم والعمين، طالعة منورة لوحدها".

وأكمل علاء عوض: "محدش فينا ساعدها خالص ودخلت التمثيل بلا واسطة، هي بنفسها أصحابها كلموها أن في اختبارات لمسلسل لنيللي كريم ولما راحت لقوها لذيذة وسألوها إنتي مين وقبلت في الدور، وابتدت بطلة ودي حاجة من عند ربنا، هي نجحت لوحدها بأمر الله".

وأكد علاء عوض أنه وأشقائه لم يتلقوا مساعدة أو واسطة من والدهم الفنان الراحل محمد عوض قائلا: "إحنا كمان محدش ساعدنا في حاجة، بابا قالنا طريقكم بتاعكم عايز تبقى رئيس جمهورية عايز تبقى زبال أبقى، أنا مبساعدش أنا بزق، كل واحد بيختار واللي عايز فن يروح يدرس فن".