ياسر إدريس: الحمد لله كسبنا ميدالية عشان الناس تهدى
كتب: محمود جودة
أعرب ياسر إدريس رئيس اللجنة الأوليمبية المصرية عن سعادته بفوز مصر بأول ميدالية في أولمبياد باريس، والتي حققها اللاعب محمد السيد في رياضة المبارزة بالسلاح.
أولمبياد باريس 2024
وحقق محمد السيد برونزية السلاح، في المنافسات التي أجريت اليوم الأحد، بثلاثة انتصارات على الكولومبي جون إديسون رودريجيس 15-7 في دور الـ32، الإيطالي أندريا سانتاريلي 15-0 في دور الـ16 والبلجيكي نيسر لويولا 9-8 بالنقطة الذهبية في ربع النهائي، قبل أن يخسر أمام الفرنسي يانيك بوريل 9-15 في نصف النهائي، ويلعب على البرونزية ويحققها.
وقال ياسر إدريس في مداخلة تليفزيونية: "الحمد لله كسبنا ميدالية عشان الناس تهدى علينا شوية.. لو الضغط زاد علينا البعثة هتنهار".
وأضاف: "في إحباط شديد عند البعثة بسبب هجوم السوشيال ميديا، وعشان كدة طلبت منهم بشكل شخصي أن محدش يفتح السوشيال ميديا ولا ينزل تصريحات، عشان يعرفوا يركزوا".
وحول أزمة زيادة وزن لاعبة الملاكمة يمنى عياد قال ياسر إدريس: "بنت حصلها ظرف ما في البعثة، من امتى احنا بنتكلم في الحاجات اللي زي دي؟ دي بطلة إفريقيا وبطلة مصر 3 سنين واتأهلت للأولمبياد".
واختتم تصريحاته بقوله: "أكتر واحد يستحق ميدالية النهاردة هو وزير الشباب والرياضة الدكتور أشرف صبحي".
