خيري رمضان لـ أحمد سيد زيزو: «لما الوزير يكلمك تقوم تقف»
كتب: سماح غنيم
وجه الإعلامي خيري رمضان، رسالة شديدة اللهجة إلى اللاعب أحمد سيد زيزو، بسبب عدم مبادرته بالنهوض لمصافحة وزير الرياضة، أشرف صبحي، في غرفة الملابس في أثناء زيارة الفريق في أولمبياد باريس.
وقال خيري رمضان لـ أحمد سيد زيزو، خلال برنامجه «مع خيري رمضان» على قناة المحور: «عيب يا أخي ده وزير مصر، يعني تقوم تقف، إنت بتعمل إيه».
وأضاف: «يابني إحنا بنلعب كورة، إية القرننة دي ده وزير يمثل دولة ولما يدخل عليك تسعد وتسلم عليه، وهذا سلوك لا يليق بأي لاعب، هذا وزير يشغل منصب مهم في الدولة، إزاي تقعد بالشكل ده، لحد ما خلى الوزير يقوله تعالى اقف، وسلم عليه».
وتابع: «الصغير بيقف للكبير، واللاعب بيقف للمسؤول، إنتوا بتلعبوا كورة منفوخة بتجروا وراها أحنا بنحبها بس، وإنت ممكن تكون بتأخذ ملايين وأنت بلا قيمة، وعمر الملايين ماكانت معيار للأخلاق».
