حسن شاكوش: مش همثل غير حاجة تليق بيا وماتكونش فاشلة وتتحسب عليا
كتب: سماح غنيم
خرج مطرب المهرجانات الشعبية حسن شاكوش، في لايف عبر حسابه الشخصي بموقع انستجرام، ليجيب على أسئلة جمهوره له.
ورد شاكوش على سؤال من أحد متابعيه متابعيه يسأله عن إمكانية دخوله عالم التمثيل، قائلا: كنت هقدم بطولة فيلم الغربان بدل من الفنان عمرو سعد.
وأضاف: لو الفنان عمرو سعد بيشوفني أنا مصرحتش قبل كده ولا قولت إنك خدت فيلم الغربان مني، مع أن الفيلم كان بتاعي أنا مضيته وكنت بطل الفيلم وصورت فيه وعملت برومو.
وتابع: أنا مضيت مع الشركة وقعدت 3 شهور بتدرب مع حصان وبضرب مع مدرب، وسافرنا سيوة وكان معانا الفنانة عائشة بن أحمد، ويشرفني أن عمرو سعد يعمل الفيلم لأنه فعلا مش عايز أي حد يعمله.
وواصل: أنا لما مضيت وصورت وعملت البرومو، تفاجأت أن في ممثلين تانيين صوروا ومشيوا، وكنت المفروض هسافر روسيا علشان عايزين ثلج في التصوير، وكل شيء قسمة ونصيب.
وأكمل: أنا قُلت مش هعمل زي ناس تانية وأدخل في التمثيل والغناء مع بعض وأفشل في التمثيل، لأ أنا عايز أدخل وأنجح، واتعرض عليا حاجات كتير ومش همثل غير لما يجيلي حاجة تليق بيا، ومش عايز أعمل حاجة فاشلة تتحسب عليا.
