محمد التاجي: برفض أفلام كتير علشان عيب أقبلها

كشف الفنان محمد التاجي، عن سبب قلة مشاركته في الأعمال السينمائية خلال الفترة الماضية، والأسباب التي دفعته للبعد عن السينما.

وقال التاجي، خلال تصريحات إذاعية لبرنامج "عيش صباحك": عمّال ارفض أفلام كتير عشان عيب أقبلها عبارة عن أفلام مقاولات، وهي حاليا تسمى أفلام السوبر جيت".

كما علق الفنان محمد التاجي  على تصرف بعض الفنانين الذين يتعمدون إفساد مشاهد زملائهم في الأعمال الفنية، قائلا: كل عصر في الطالح والصالح وكان في احترام كبير ما بينا وبين بعض، وكنا بناخد بإيد الوجوه الجديدة، وكنا بمجرد ما ندخل البلاتوه مش شايف نجوم كلنا شغالين مع بعض.

وأردف محمد التاجي: نور الشريف كان بيعلمنا في اللوكيشن، لكن دلوقتي الأجيال معندهمش ثقة بالنفس، عشان تساعد الناس اللي طالعة، وفي ممثلين بيقعدوا على المونتاج عشان يبوظوا لزمايلهم شغلهم، والمخرج بيكون ضعيف الشخصية، وأعرف ممثل قعد مخرج 15 يوم في البيت، قاله تقعد في بيتكم وهو اللي منتج وأخرج كل حاجة، إحنا أتربينا على أن المخرج رب العمل.