شقيق شيرين عبد الوهاب يرد على اعتذارها له: أنا تحت رجلك.. ومفيش أخت كبيرة بتتأسف

أعاد محمد عبد الوهاب، شقيق النجمة شيرين عبد الوهاب، نشر الاعتذار الذي كتبته له، معلقا عليه بسبب ابتعاده عنها في الفترة السابقة.

كتب محمد عبد الوهاب عبر حسابه بموقع فيسبوك: "أولًا انتي اختي الكبيرة وامي التانية وانا تحت رجلك مفيش ام واخت كبيرة تتأسف لابنها انا تحت رجلك وانتي تاج راسي انا بس بعدت عشان اصون كرامتي والمشاكل مكنتش مشاكلك انتي كانت مشاكل حد ثاني جمبك الله يسهله المهم عندي انك توقفي علي رجلك وتكسرى الوطن العربي كله كعادتك وانتي بالفعل كسرتي الارض ربنا يحفظك ويحفظ بناتك".

وكانت شيرين كتبت عبر حسابها بموقع X: ""في ناس كتير مش عارفين سبب الزعل مع اخويا، عشان في يوم خيرني بينه وبين اللي كنت متزواجه، ولأن ربنا أمر الزوجة بطاعة زوجها فأنا قررت إني أرضي ربنا، بس انت صح وانا اسفة علي كل حاجة قلتها ليا وانا معملتش بيها لاني بعتك بأرخص تمن، يارتني كنت سمعت كلامك يا غالي".

خلافات شيرين عبد الوهاب وشقيقها 

يذكر أن شيرين وشقيقها محمد عبد الوهاب في خلافات منذ سنوات، ظهرت للنور بعدما حاول إبعادها بالقوة عن طليقها حسام حبيب ووضعها في مستشفى للعلاج، وخرجت هي وحسام حبيب يتهموه بضربها في محاضر رسمية، وبعدها تنازلت عنها مشيرة إلى أنها لن تسجن شقيقها وتكسر قلب والدتها.