ياسمين عز تدعم كهربا: "وحياة ابنك كيفن يا كولر عامله كويس" | فيديو
كتب: محمود جودة
أعلنت الإعلامية ياسمين عز دعم لاعب الأهلي محمود كهربا، مطالبة مدربه السويسري مارسيل كولر بالاهتمام به واحتوائه.
محمود كهربا
وقالت ياسمين عز في برنامجها "كلام الناس" على قناة "إم بي سي مصر" موجهة رسالة إلى كولر: "والنبي يا شيخ وحياة ابنك كيفن عامله كويس زي ابنك وخده في حضنك.. حلفتك بالغالية مراتك مدام جيزيلا".
وأضافت: "كهروب الموهوب نجم الأهلي المحبوب اللي ساكن جوا القلوب".
وتابعت: "بعض الناس مبتحبش كهربا من غير سبب، ويمكن ده بسبب موهبته، لأنه أول ما ظهر الناس قالت ميسي الكرة المصرية ظهر والتيكي تا هتدخل ملاعبنا خلاص، ومن ساعتها وكل إنجاز بيحققه بيتحط قدامه عقبة أو مشكلة، وكأنه بيتعاقب على موهبته".
وقالت أن كهربا تحمل الضغوطات كثيرا خاصة بعد فرض غرامة أكثر من 2 مليون دولار عليه، مضيفة أنه: "حوش من مصروفه لحد ما سد الغرامة".
وأشارت "ياسمين عز" أنه بعد حل أزمة غرامة كهربا، دخل اللاعب في مشكلة جديدة مع مدربه كولر الذي جعله احتياطيا، وقالت للمدرب: "ليس كدة يا مستر كولر بتعامله كدة ليه، هو أكل ورثك.. بالله عليه اعتبره زي ابنك كيفن وشيله من الاحتياطي".
وقالت في رسالتها إلى كولر: "كهربا يطلع منه كتير بس مش هيقدم حاجة لو قعد احتياطي لأن نفسيته هتتعب".
واختتمت رسالتها بقولها: "كهربا لو كان بيلعب في سويسرا كان زمانهم حطوا اسمه على الساعات".
ياسمين عز تدافع عن كهربا وتوجه رسالة لكولر : والنبي يا شيخ وحياة ابنك كيفن عامله كويس زي ابنك وخده في حضنك.. حلفتك بالغالية مراتك مدام جيزيلا
— MBC مصر (@mbcmasr) October 12, 2024
يعرض الآن مجاناً على شاهدhttps://t.co/Ddga0AC1c7#كلام_الناس#MBCMASR pic.twitter.com/T1jO4VL0Gb
