عمرو أديب: زيادة أسعار الوقود مش آخر الآلام ولا آخر الأحزان
كتب: سماح غنيم
وجه الإعلامي عمرو أديب، رسالة إلى الدكتور مصطفى مدبولي، رئيس مجلس الوزراء، بعد قرار الحكومة بـ زيادة أسعار السولار والبنزين، قائلًا: «أهيب بحكومة الدكتور مدبولي، لو سمحتم، شوفوا أشياء لمساعدة الناس، أصل إحنا خلاص عارفين، إنت مكمل لغاية ديسمبر 2025، فده مش آخر الآلام ولا آخر الأحزان».
وأضاف «أديب» في تعليق عبر برنامجه «الحكاية» على قناة «إم بي سي مصر»: «بحب الناس تعرف، من زمان وأنا بقولهم، وبيزعلوا أوي، مش بيحبوا حد يقولهم، بقول مرة تانية، إنت عندك التزامات وزيادات لغاية نهاية 2025، ولازم ده يتواكب معه برنامج اجتماعي اقتصادي».
ووجه «أديب» رسالة للتجار بشأن الزيادة المتوقعة في الأسعار قائلًا: «هيجي وقت مش هتشتري، ومش هتلاقي حد ياخد السلعة، بقول للتجار لو سمحتم لا تكسروا السوق، الناس بقت تقتصر على سلع كتير أو بتقلل الكمية، كل ده على دماغ التاجر، الاقتصاد دايرة مرتبطة ببعض، وإحنا حسبنا تأثير زيادة أسعار البنزين والسولار على السلع، والمفروض أسعار السلع لا تزيد زيادة كبيرة».
