خالد الصاوي ينعي كلبته: ربنا يجمعني بيها في الجنة
كتب: حسام محمود
عبر الفنان خالد الصاوي عن حزنه العميق لفقدان كلبته المقربة، قائلاً: “كلبتي حبيبة قلبي كان عندها القلب.. بدعي ربنا وبقول يا رب لو مكتوب لي الجنة أرجوك اجمعني بيها.. ولغاية ما ده يحصل عايز أفضل أحلم بيها.”
وفي وقت سابق، وجهت الإعلامية ياسمين عز سؤال للفنان خالد الصاوي، عن رأيه في حديثها المستمر عن العلاقات بين الرجل والمرأة، وكيف يقيم أفكارها.
خالد الصاوي يعلق على أراء ياسمين عز
ورد الفنان خالد الصاوي على الإعلامية ياسمين عز، خلال حلوله ضيفًا على برنامجها «كلام الناس»، المذاع على قناة mbc مصر؛ بطرح سؤال آخر عليها: «ياسمين انتي متجوزتيش أصلًا، بتجيبي كلامك وآرائك دي منين».
وتابع: «أنا اتجوزت متأخر وأنا عندي 48 سنة، وكنت فاكر إني كونت رؤية وفاهم عن العلاقات بين الراجل والمرأة والزواج من اصحابي، لكن الموضوع مختلف تمامًا، هي سنة واحده كفيلة تغير كل أفكارك، وتكتشفي انك مكنتيش تعرفي حاجه، وخليني أقولك نصيحة، بلاش تخدك الجلالة أوي في أفكارك، راجعي أفكار عشان متتصدميش بالواقع».
واستكمل الصاوي: «الجواز مختلف ومعلوماتك عن الراجل دلوقتي هتختلف لما تتجوزي وتكتشفي أنه بيقعد مع أصحابه كتير وبيكذب عليكي كذب أبيض لما تسأليه كان فين، سنة واحدة بس جواز هتخليكي تغيري رأيك خالص».
