تامر عاشور بعد التكريم بـ«بيلبورد»: «متوفقتش زمان في كلية التربية الموسيقية بسبب الغياب»
كتب: متابعات
أعرب الفنان تامر عاشور، عن سعادته بعد حصوله على جائزة «بيلبورد»، عن أفضل أغنية مصرية 2024.
تامر عاشور: 2024 خلصت على كده باستلام الجائزتين المهمين جدًا
وكتب تامر عاشور عبر حسابه بـ«إكس»، عن الأمر: «الحمد لله.. أنا بعتبر 2024 خلصت على كده باستلام الجائزتين المهمين جدًا من بيلبورد اللي بجد بشكرهم من كل قلبي أفضل أغنية مصرية 2024، وأغنية العام على مستوى الوطن العربي لنفس السنة».
وتابع تامر عاشور: «الحقيقة عندي رسالة ولازم أوضحها بشكل اتمنى تستوعبوه.. صُناع العمل اللي فُزت بيه بالأرقام وهم شغالين عارفين كويس جدًا إن حواليهم ملحنين وشعراء وموزعين جامدين، وشاطرين ويتعملهم ألف حساب وشغالين مع أنجح النجوم في مصر على مدار سنين.. علشان كده صناع العمل نجحوا ودخلوا وسط الكبار بالأعمال».
وأضاف تامر: «علشان آمْنوا باللي حواليهم ونجاحهم.. على الصعيد الشخصي أنا كموهوب زيي زيهم بالظبط مآمن بكل الموهوبين والفنانين الكبار اللي حواليا أيًا كانوا بيقدموا إيه سواء راب، أو بوب، أو شعبي المهم عنده الموهبة ولا معندوش.. مش متخصص في المزيكا ولا مش متخصص.. سيد درويش اتعلم الكتابة في سن الـ10 سنوات وتم تلقيبه بـ فنان الشعب».
تامر عاشور: متوفقتش في تربية موسيقية بسبب الغياب
تجارة خارجية.. عمرها ما كانت شرط، أنا تجربتي كانت إني دخلت كلية تربية موسيقية ومتوفقتش فيها بسبب إيه مثلًا تفتكروا؟، نسبة الغياب والله.. ومع ذلك لحنت فوق الـ150 لحنا لكل فنانين الوطن العربي بلا استثناء، ماعدا واحد بس وأنا مش قسم تأليف موسيقي ولا حاجة وعندنا فنان كبير برضه كان عمل أعمال كتير مكسرة الدنيا وكان خريج حقوق».
وكتب تامر عاشور: «بالعكس وإلا بقى كل الأساتذة المتخصصين والطلاب اللي بيدَرّسوا ويدرسوا في الكليات والمعاهد الفنية بقوا نجوم كبار ومبقاش حد بيدَرِّس بقى.. محدش ودنه بتتصمم بطريقة معينة علشان دارس موسيقى.. ده اسمه تضليل.. يقولوا على نفسهم متخصصين وبيزوروا.. أه والله العظيم وأنا قد حلفاني بيزوروا نسب استماعهم وهي موجودة وباينة لكل الناس وكأن الجمهور مبيفهمش وبيستخف بيهم».
وأردف: «تضليل الناس في البرامج بأرقام وهمية وبيرتبوا كمان هم رقم كام في السوق ومقفلين اللعبة بشكل عبقري، عالآخر وأعلى أغنية عندهم السنة دي لا تتخطى الـ7 ملايين.. السؤال بقى: هل علشان ربنا كتب ليا النجاح السنادي بـ أفضل أغنية على مستوى الوطن العربي، وأفضل أغنية في مصر يبقى أنا ملك العالم؟».
وتابع تامر: «أو باقي الفنانين مالهمش وجود.. بما فيهم المُضلل حتى؟، أنا متأكد وعلى يقين إن ممكن بكرة فنان ولا أنا ولا أنت سمعنا عنه يعمل عمل فني محترم وياخدها السنة الجاية وده تنافُس وده جمال المزيكا وحلاوتها إنها بتتنوع وتختلف من شخص لآخر ببصمة.. كل شخص موهوب مش دارس ولا متخصص».
الحمد لله … انا بعتبر ٢٠٢٤ خلصت على كده بأستلام الجائزتين المهمين جدا من بيلبورد اللي بجد بشكرهم من كل قلبي "افضل اغنيه مصريه " ٢٠٢٤ واغنيه العام على مستوى الوطن العربي لنفس السنه .. والحقيقه عندي رساله ولازم اوضحها بشكل اتمنى تستوعبوه . صنّاع العمل اللي فُزت بيه "بالأرقام"… pic.twitter.com/36J7uNarFN
— Tamer Ashour (@TamerAshour) December 12, 2024
