بعد تعرضه لوعكة صحية.. صلاح عبد الله يطمأن جمهوره ويعلن وصيته
كتب: العاصمة
حرص الفنان القدير صلاح عبد الله على طمأنة جمهوره على حالته الصحية بعد تعرضه لنزلة برد شديدة، قائلا:""الحمد لله وببركة دعاكم خفيت شوية من البرد".
ونشر عبر صفحته على موقع "فيسبوك" منشورا نصه: :"بركة دعاكم وبإذن الواحد الأحد، خفيت شوية من البرد اللي عدى الحد"، وتابع:"أحسن كتير دلوقتي، ومركز لأقصى حد، وبالأمارة انهاردة السبت وبكره الأحد".
وكشف مؤخرا الفنان صلاح عبد الله، عن وصيته، إذ نشر أبيات شعر كتبها بالعامية، عبر حسابه الرسمي على منصة إكس. وكتب صلاح عبد الله مؤخرا : "لما مت عملتوا إيه؟.. كان نفسي أشوفكم.. بس ما قدرتش أشوف.. لإني مت.. والكلام بيني وبينكو.. لما مت.. زعلتوا عليا قد إيه؟.. يوم يومين تلاته بالكتير.. مش بلومكم.. ده أنا عايزكو تعيشوا يومكم.. صدقوني يومين كتير".
وتابع: "تذكروني بكل خير، وحبذا لو كانت الذكرى بدموع أو شحتفة أو حشرجة أو نهنهة قصدي خلوا الحالة تبدو إنها حزن فاق كل الآفاق، في قلب من ألم الفراق موجوع واوعوا تنسوا، اذكروا محاسن موتاكم ولو مفيش ألفولي حبة محاسن واذكروها، واكتبوها على صوتي وشيروها، أو لما تيجي سيرتي اسكتوا اسكتوا وغيروا الموضوع، غيروا الموضوع لأني للأسف، لسه حي، لسه بهرب من اللي فات، لسه خايف من اللي جاي".
