رامي صبري عن تامر حسني: واثق من نفسه وعنده صفاء نفسي مش موجود عندي أنا شخصيا

علق النجم رامي صبري، على تعليقات أحد المتابعين حول صورة جمعته بالنجم تامر حسني، والذي ظهر الأخير فيها وهو يمسك له "المايك" أثناء غنائه، وأشاد المتابع بالروح التي جمعت بينهما والتي جاءت خالصة من الغيرة والتكبر والغرور.

وعبر رامي صبري، بشكل آخر عن رأيه في الصورة، متحدثا عن تجربته مع تامر حسني من خلال الديو الجديد المنتظر طرحه قريبا، والذي يجمع بينهما لأول مرة، حيث أعاد نشرها عبر حسابه الرسمي على "فيسبوك"، قائلا: "انا بشوف الصوره بشكل تاني خالص.. أولا: فنان أخ وغالي ومحترم ( وواثق من نفسه ) ودي للأسف مش موجوده كتير في مغنيين كتير ناجحين ولكن عندهم مشاكل كبيرة ومايعرفوش يبقو زي الراجل المحترم اللي ماسك المايك ده".

وتابع: "تامر حسني فنان كبير جدا جدا ولما اشتغلت أنا وهو في الديو اللي هاينزل الفترة اللي جايه فهمت هو ليه محبوب جدا.. أولا علشان عنده صفاء نفسي مش موجود عندي أنا شخصيا، آه والله أنا دايما ليا رد فعلا إنما هو بيسيب الحاجات زي ماهي وما بيحبش يرد ودي حاجه صعبه جدا جدا..

وأضاف: "عاوز أقول مش كل فنان أو نجم يستحق.. لأن دايما الأخلاق واحترام زمايلك هو الموضوع مش بس الفن".

ووجه رامي الشكر لـ تامر حسني، قائلا: "شكرا تامر حسني علي ذوقك واحترامك ليا دايما في التصوير ودايما كنت تقولي أنت مبسوط.. إيه رأيك محتاج حاجه؟ كل ده ماينفعش بطلع غير من فنان حقيقي عنده احساس بالناس والأهم واثق في نقسه".

اختتم: "قريبا جدا هتشوفو وهاتسمعو أغنيه فعلا مبيتنسيش، علي جميع منصات الموسيقي في العالم".