مصبرتش عليا.. شريف الدسوقي يكشف تفاصيل انفصاله عن زوجته

كشف الفنان شريف دسوقي، عن تفاصيل انفصاله عن زوجته، بناء على طلبها، بعد زواج استمر لنحو عامين فقط.

قال شريف دسوقي خلال لقائه مع برنامج "صبايا النهار" التي تقدمه الاعلامية ريهام سعيد "اتجوزت سنة 2001 ومكنش ليا نصيب إن الزيجة تستمر، فضلت سنتين بس، لأن وقتها كنت لسه بسعى أحقق نفسي، وكنت موظف بسيط في وزارة الثقافة هي مصبرتش عليا".

وتابع قائلًا: "أنا كنت عارف هدفي وبتحرك له وبعلن عن نفسي في كل مساحة تتاح ليّ، لكنها قررت متكملش معايا وكل واحد راح لطريقه".

شريف دسوقي: قلبي موجوع 

وكان قد أعرب الفنان شريف الدسوقي،  في منشور سابق له عن حزنه الشديد، وذلك من خلال منشور له عبر حسابه الشخصي بموقع التواصل الاجتماعي "فيسبوك".

وكتب شريف دسوقي: "اعتراف أنا قلبى موجوع وجع عمره ما عدى عليا قبل كده.. أقسم بالله، كنت بشوف جملة بيكتبوها بعض الأصدقاء على صفحتى إنه نفسه يتحضن ويتطبطب على قلبه.. وحد يقولى إنت كويس يا شريف وعمرك ما أذيت حد.. بالعكس أنا اتأذيت كتير وسامحت ياما".

وأضاف: نفسى ربنا يرضى عنى ويسامحني ويقربنى منه زى ما كنت، أنا آسف إنى بقول كده أو بصدر إحباط للآخرين.. بس أنا متعود أكون كتاب مكشوف لكل الدنيا، أنا فجأة بلاقى نفسى ببكى بحرقة وبغزارة فى الدموع.. أنا قلبى موجوع أوى يا جماعة".