«لازم يقف عند حده».. ممثلة شابة تتهم مخرجًا بالتحرش (فيديو)

خلال الساعات الماضية، تصدر اسم الفنانة الشابة رغدة سعيد، تريند مواقع التواصل الاجتماعي، بعدما كشفت عن تعرضها للتحرش من أحد المخرجين.

رغدة سعيد تكشف عن تعرضها للتحرش من مخرج

وقالت رغدة سعيد، في فيديو تداوله رواد مواقع التواصل الاجتماعي عبر «فيسبوك»: «حصلي واقعة تحرش من مخرج شاب، مش حابة أقول اسمه دلوقتي هقوله في الوقت المناسب، الواقعة اللي حصلت دي من سنتين وأنا وقتها كان عندي تشويش ومش عارفة أحكي ولا لأ وكانت صدمة».

وأشارت: «أنا ممثلة واشتغلت مع مخرجين كبار معروفة في الوسط مبشتغلش كتير.. اللي حصلي لازم أحكيه عشان ممكن يحصل لغيري.. أتواصل معايا بنات كتير حصلهم واقعة متشابهة منه فهو متحرش».

وتابعت: «بعتلي من سنتين وقال إنه بيحضر لفيلم جديد اتحمست ورحت وعملت مقابلة أولى، استقبلني في مكتبه وقالي الحاجة المهمة أن الفيلم فيه مشهد جريء موافقة ولا لا ووافقت، وقولت أنا موافقة أن التنفيذ هيبقى بشكل شيك».

واستطردت: «هو أصغر مني في السن وكنت بعامله أنه صديق، وهو شبه يونس شلبي قلبوظ وبنضارة قعر كوباية مش واخده منه خوانة.. المساعد بتاعه كلمني عشان أوديشن المشهد، وبعدها عزمته في بيتنا على العشا».

واختتمت: «وبعدين أنا رحت له مكتبه، وقال إنه معجب بيا، قولت له أنا مرتبطة، قالي بما إنك بتعملي مشاهد جريئة أي رأيك تبوسيني أنا خوفت جدا واتصدمت، ونزلت وانهارت في العربية.. أنا عندي إثباتات بكل الكلام ده.. لازم يتعرف اللي هو عمله وبتمنى الناس تدعمني وده ميحصلش تاني ويقف عند حده».