ألفت عمر في أول ظهور لها بعد وفاة والدها: "ضهري اتكسر"

حرصت الفنانة ألفت عمر على تقديم رسالة شكر لكل من ساندها في أزمتها الأخيرة، بعد مرض والدها ووفاته، وذلك خلال ظهورها الأول فى برنامجها “مع ألفت” الذي يعرض على قناة هي، كما تحدثت عن لحظة معرفتها بوفاته.

أول ظهور بعد وفاة والدها  

وقالت ألفت عمر خلال برنامجها مع ألفت الذي يعرض عبر قناة هي: "أهلا بيكم مشاهدينا من جديد مع حلقة جديدة مباشرة على الهواء "مع ألفت" برنامجي اسمه مع ألفت والحقيقة النهاردة من أصعب مواقف أمر بيها في حياتي قدام الكاميرا علشان أن أنا أقدر اتكلم عن موضوع البرنامج النهارة وهو "الفقد" الحقيقة أن الإنسان لما يفقد أبوه بيحس أن ضهره اتكسر، هو مصدر الأمان والحياة بتبقى تقريبا معتمدة بنسبة كبيرة جدا على الأب وأنا بدل ما أطلع ابتسم في وشكم وأضحكم، النهاردة عايزة أشاركوا أحزاني".

وتابعت ألفت عمر: "مع الأسف هشاركوا غصب عني أحزاني في بابا، بشكر كل الناس اللي دعيت له، كان موقف صعب عليا أوي بس كل الناس وقفت جنبي ودعيت له بس ربنا أراد أنه ياخده معاه جنبه في حته أفضل أعذروني النهاردة لو أنا مكنتش كويسة كفاية قدام الكاميرا بس إن شاء الله هكون أحسن وبابا في مكان أحسن ومسألة الوجع دا إن شاء الله هقدر أعديه بدعواتكوا وحضركوا معايا وإن شاء الله روح بابا حواليا فرحانه، المرة اللي فاتت بعد ما خلصت الحلقة الأولى جريت جري على المستشفى عشان أوريه عشان هو كان بيفرح جدا لما بيشوفني في أي حاجة من نجاحاتي فكنت عايزة أرفع من معنوياته وخدت الصور والفيديوهات وجريت عليه عشان أوريهاله بس لقيته متوفي بقاله 3 دقايق وحتى أنا اللي سبلتله عينه، مش عايزة اضايقكوا خالص والله بس اعذروني لو حصل النهاردة مبقاش قد الحدث".