تامر حسني لـ حسام حبيب: أنت إنسان نضيف وعاوزك ترجع تمتعنا
كتب: نسرين إبراهيم
رد النجم تامر حسني، على الإشادة الواسعة التي تلقاها من الفنان حسام حبيب، والذي عبر فيها الأخير عن حبه الكبير وتقديره العميق له على هامش إطلاق أغنية الأخير "ما بيتنسيش"، مشيرًا إلى أن تامر ليس فقط نجم الجيل، بل هو نجم حلم لجيله، وسعى لتحقيق أحلامه.
تعليق تامر حسني على حسام حبيب
وقال تامر حسني، في رسالة لـ حسام حبيب: "حبيبي يا حسام إيه الكلام الجميل ده، طول عمرك محترم وإنسان نضيف وفنان كبير، لو استفزناك بجد يلا ارجع زي الأول وأكتر، ارجع متعنا بأغانيك الراقية الجميلة والمزيكا الأجمل، لأن ليك جمهور كبير بيستنى شغلك وأكيد ليهم حق عليك يلا صفحة جديدة مع مشوارك من النهاردة، يلا اوعدني قدام الناس إنك ترجع تاني".
رسالة حسام حبيب لـ تامر حسني
قال حبيب في رسالته التي نشرها عبر خاصية "الستوري" على "إنستغرام": أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه أخواتي وأصحابي تامر أنت من زمان وأحلامك وأفكارك كانت دايما تخص جيلك ودايما كنت بتتكلم معانا من وإحنا صغيرين باسم جيلنا مش باسم تامر بس إنت حلمت لجيلك وعلشان كده أنا فعلا فهمت يعني إيه نجم الجيل كنت زمان فاهم إن المقصود بيها إنك الأنجح وده حقيقي، لكن النهارده فهمت.
وأشار حسام إلى أن حسني كان دائمًا يتحدث باسم جيله، وكان يحلم بأشياء تخصهم ويسعى لتحقيقها من أجلهم، وهو ما جعله يفهم المعنى الحقيقي لمصطلح "نجم الجيل" بعد أن كان يعتقد أن المقصود به هو النجاح فقط.
وأضاف حسام في رسالته: النجم الثاني أخويا وصاحب أجمد صوت وإحساس (رامي) كان دايمًا بيقولي: أنا بحلم وعندي هدف... أنتم فرحتوني وامتعتوني وخليتوني أفتخر إني من الجيل ده... شكرا إنكم فتحتم نفسي وخليتوني أحب المزيكا يمكن أكثر من الأول يا جيل جامد وجامد قوي.
