نجيب ساويرس عن وصفه بـ«السُكَري»: «أنا بشرب بس أنا عمري ما سكرت مش عارف أدافع عن نفسي إزاي؟!»
كتب: أمنية مدحت
علق المهندس نجيب ساويرس رجل الأعمال، على انتقاد البعض له بشأن تناوله الخمور، كما أعرب عن حبه للموسيقى وأنها تنقله إلى عالم آخر.
نجيب ساويرس يرد على انتقاد البعض له بتناوله "الخمور"
وقال نجيب ساويرس، خلال استضافته في صالون "إحسان عبدالقدوس الثقافي"، بنادي الجزيرة الرياضي: "الموسيقى من الحاجات اللي بتخليني في حتة تانية خالص".
وأضاف: "زي اللي يجي يقولك ده سكري، عشان أنا بشرب، بس أنا عمري ما سكرت، مش عارف أدافع عن نفسي إزاي، أقوله أنا بشرب بس ما بسكرش".
وتابع: "المزيكا بالنسبة لي بتديني نفس التأثير، اللي هو أنا رحت في حتة تانية خالص، دماغي اللي فيها 3 آلاف حاجة ومليون صداع، راح".
وأكمل ساويرس: "أنا بقعد أعمل (البلاي ليست) الوحيدة بتاعتي 3 ساعات، عشان أطلع ساعة بقعد 3 ساعات، لكن لما بتخلص وأقعد أسمعها بحس إني أنا إيه…".
