"انا مالي".. طارق لطفي يعلق على خلع زوجته لـ"الحجاب"

حل الفنان طارق لطفي اليوم ضيفًا على اسما ابراهيم في برنامجها حبر سري المذاع على قناة القاهرة والناس.

وأثارت تصريحاته الجدل خاصة عندما تحدث عن الحجاب، حيث سألته المذيعة:" مراتك لما قلعت «الحجاب» في فترة.. كنت أنت اللي قايلها؟"، ليجيب لطفي:" أنا مالي؟ دي علاقتها بربنا، أنا لا واصي ولا وسيط، أنا ناصح حتى مع أولادي، لو قالت لي عايزة ألبس «الحجاب» تاني هقولها اتفضلي.

وأضاف "رأيي الشخصي في الحجاب ما ينفعش أقوله في التليفزيون لأن الناس بتتفرج علي علشان ما ألخبطش الناس. الأزهر بالكامل يقول الحجاب موجود وفرض، وبعض شيوخنا من الأزهر والدكاترة يقولون إنه مش فرض وهو عادة اجتماعية، وأنا واقف في النص مش عارف أسمع هنا أو هنا، وأقول في الآخر استفت قلبك".

وتابع: "غطاء الرأس كان للستات والرجالة، ولغاية دلوقتي عندنا عيبة كبيرة الراجل يطلع من بيته في الصعيد أو الفلاحين من غير ما يغطي راسه، وقبل ثورة 1952 كان لازم الطربوش، وفي أوروبا وأمريكا تلاقي غطاء الرأس، هي بشكل أو بآخر كانت عادة اجتماعية عند كل الناس وجزء من الزي، وأعتقد غطاء الرأس والحجاب شيء واحد".