أحمد الفيشاوي: شوفت عمرو خالد مرتين في حياتي.. ومحبش أعرفه لإنه إخوان

فجر الفنان أحمد الفيشاوي، مفاجأة جديد، مؤكدا إن البعض يعتقد أنه كان لا يفارق الداعية عمرو خالد في مرحلة معينة قبل سنوات، لكن هذا غير صحيح.

وقال الفيشاوي خلال لقائه مع الإعلامية أميرة بدر في برنامج "أسرار" المذاع عبر قناة النهار: "مع إني قابلت عمرو خالد مرتين في حياتي، مرة تحت بيته ومرة في جامع الحصري في 6 أكتوبر، وكان في 7 آلاف واحد غيري، لكن الناس فاكرة إننا مش بنسيب بعض، وعملوا لنا قصة نجاح وكفاح".

وردا على سؤال لماذا صرح بأنه لا يحب معرفة عمرو خالد، قال أحمد الفيشاوي: "علشان هو من جماعة الإخوان المسلمين بس مكانش بيقول، علشان الناس متخافش منه وتبعد عنه، وأنا مشوفتش منه حاجة وحشة".

وتابع: "كانوا بيستغلوا اسم ربنا واسم الرسول علشان يوصلوا لأغراض لهم، ومفيش حد عايز يعرفهم أعتقد وأنا أولهم".

ووصف أحمد الفيشاوي الأوضاع في حال استمرار الإخوان في الحكم بقوله: "البلد كانت هتفلس، وكنا للأسف هنبقى زي سوريا والسودان، وكان هيمنعوا السياحة والسينما والتليفزيون والخروجات وكل حاجة، كل سنة يشيل حاجة ويقول حرام".