فيفي عبده من رامز إيلون ماسك: من بعدي مفيش رقاصات.. واللي طالعين كلهم ستات منفوخة

أكدت الفنانة فيفي عبده، آنها آخر الراقصات المميزات، من خلال برنامج "رامز إيلون مصر" الذي يقدمه رامز جلال، والمذاع على قناة MBC مصر.

وقالت فيفي عبد: "من بعدي مفيش رقاصات وواللي طالعين كلهم ستات منفوخة".

كما استقبل رامز جلال، فيفي عبده بمقدمة قال فيها: "حلقة النهاردة بمثابة تكريم لزبونة من النوع القديم، صاحبة أكبر كم من التيت في تاريخ الفضائيات، لسانها أطول من الطريق الدائري، وعلى الكل بتتجبر وتفتري".

وأضاف رامز: "ياما نصحتها وقلت لها يا ولية عيب اختشي، مقضياها سبابيب من هنا ومن هنا، النهاردة هعمللك ماتش اعتزالك، لا تقوليلي أهلي ولا زمالك. معانا الراقصة التي دمرتها الفتة، اللي تفصل مني ستة، اللي فاضحانا في كل حتة".

وسخر رامز من إطلالة فيفي عبده عقب وصولها للبرنامج قائلا: "المعلمة أنهار صاحبة معامل المورتة في الغورية، دي عايزة ونش علشان تطلع السلم، لابسة فراشة، ودي اللي يتقال عليها جت تكحلها عميتها، وإنت بالجسم ده تحكمي في مسابقات أكل الكوارع".

تدور فكرة "رامز إيلون مصر" حول استدراج ضحية المقلب إلى المشاركة في لجنة تحكيم برنامج اكتشاف المواهب "جولدن تالنت"، إلى جانب النجمة نوال الزغبي، ونجم نادي الاتحاد والمنتخب السعودي محمد نور، بالإضافة إلى رامز جلال، والمذيعة بسنت شمس، التي تلعب دور مقدمة برنامج المواهب.