المخرج مجدي الهواري مدافعا عن ياسين السقا: الولد لسه في بداية حياته الفنية

تعرض الفنان ياسين السقا نجل النجم أحمد السقا لانتقادات حادة في موسم رمضان الماضي، بعد مشاركته في مسلسل "سيد الناس" مع النجم عمرو سعد.

وتسببت تلك الانتقادات اللاذعة في دفع ياسين السقا للرد على المتابعين، حيث كتب عبر حسابه بموقع الصور والفيديو «إنستجرام»: «أولًا، عايز أقول لكم عيد سعيد، ويا رب يكون خير عليكم وعلى كل حبايبكم وعلينا كلنا».

وأضاف: «الأغلبية من الناس هما اللي فاكرين نفسهم نقاد وبيستخدموا الشتايم وبيتنمروا، ويجيبوا سيرة والدي ووالدتي بمجرد بس إن والدي أحمد السقا، وفي ناس مجرد أن ده والدي، وليه ناس مش بتحبه شخصًا لازم يشتموني ويجيبوا سيرة الأم والأب، وحتى يدعوا علي بالموت، أحب أقول للمحترمين إني بعتذر عن المنشور اللي نشرته بتاع الأسد وده مش موجه ليكم ابدًا وللحاقدين ربنا يهديكم، وأنا هنجح وهتشوفوا إن اللي خلف مامتش».

دفاع الاعلامية مها الصغير

وتطور الأمر  حيث شعرت والدته الاعلامية مها الصغير بالغضب وردت على تلك الانتقادات، وقالت:«لو كان اسمه مش ياسين السقا، مكنش حد قال حاجة. هو عمل دور بسيط جدًا، ولو شفتوا الدور هتلاقوا إن ما فيهوش مساحة تمثيل كبيرة، جمل قليلة جدًا ودور صغير، فإزاي نحكم عليه كممثل؟ لكن الهجوم كان رهيب كأنه بطل المسلسل».

وأضافت مها:«ياسين بيجسد شخصية شاب جاي من إنجلترا يعيش مع أهله في السبتية، فهو معوجش لسانه أوي، وعنده مشهد مع الفنانة بشرى بيتكلموا فيه إنجليزي، بس هي جملة واحدة مش مشهد طويل، الهجوم الشرس عليه بحجة إنه ابن فلان وواسطة، شيء مش منطقي، لازم نكون أكثر وعيًا، فيه أبناء فنانين كتير أثبتوا نفسهم وموهبتهم زي دنيا وإيمي سمير غانم، أحمد السعدني، وأحمد الفيشاوي».

دفاع المخرج مجدي الهواري

ودخل المنتج والمخرج مجدي الهواري على الخط ليدافع عن ياسين السقا، قائلا:«الولد لسه في بداية حياته الفنية ومحدش فينا أتولد عملاق، واحدة واحدة وبعدين نحكم»