ملك أحمد زاهر توجه رسالة لشقيقتها ليلى بعد زواجها: بحس إنك بنتي ووحشتيني من دلوقتي
كتب: نسرين إبراهيم
وجهت الممثلة الشابة ملك أحمد زاهر، رسالة حب لشقيقتها ليلى بعد زواجها، وعبرت فيها عن حبها الشديد لها وافتقادها لها من الآن.
ونشرت ملك فيديو يجمعها بشقيقتها ليلى أحمد زاهر مستعرضة فيه فيديوهات لهما منذ طفولتهما حتى حفل زفاف الأخيرة، وعلقت: "ومحدش فيهم عاش اللي أنا وانتي عشناه، من أول ضحكة وإحنا أطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، وآمان، وضحك، ومشاركة، علاقتي أنا وانتي مش شبه أي حد، مش مصدقة إن الوقت جري كده، كنّا لسه صغيرين، وبنتخانق على اللبس، وبنستخبى من ماما، وفجأة… لقيتك لابسة فستانك الأبيض، أحلى عروسة شافتها عيني".
وأضافت ملك أحمد زاهر: أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري حاسة إنك بنتي مش أختي.
وتابعت ملك أحمد زاهر: "امبارح… بنتي اللي كانت بتتجوز مش أختي، وأنا الفرحة مش سيعاني، بس في نفس الوقت، وحشتيني أوي من دلوقتي، إنتي مش بس أختي حبيبتي، إنتي أحلى حاجة حصلتلي في حياتي. وهفضل دايمًا أقرب واحدة ليكي، أحنّ حضن، وسند من غير كلام".
واستكملت ملك أحمد زاهر: "ربنا يسعدك يا روحي… ويخليكي دايمًا قلبك مرتاح مع عريسك الي ربنا يحفظهولك و يفضل يسعدك العمر كله، وأنا دايمًا جنبك في كل خطوة، بحبك يا عروستي الحلوة، اللهم احفظ أختي وزوجها من كل سوء، وبارك لهما في حياتهما، وأصرف عنهما الحسد والشر، وأدم عليهما السكينة والمودة".
View this post on Instagram
