السيناريست محمد ناير عدت كتابة مسلسل أثينا 3 مرات لحد ما التصوير بدأ وكنت قلقان جدا
كتب: نسرين إبراهيم
تحدث السيناريست محمد ناير لبرنامج لمن يهمه الفن تقديم أميرة نور على نغم إف إم، وكشف عن كواليس خروج مسلسله الأخير "أثينا" إلى النور، والذي قدمت النجمة ريهام حجاج بطولته في رمضان.
ونرص أبرز تصريحات السيناريست محمد ناير لبرنامج لمن يهمه الفن تقديم أميرة نور على نغم إف إم، من خلال ما يلي:
- القضية الفلسطينية وغيرها من الأحداث كانت سببا فى إنى فكرت فى فكرة مسلسل "أثينا" بطولة ريهام حجاج.
- كنت حابب جدا مشروع مسلسل "أثينا"، وكل ما كان بينضم حد جديد للكاست كان عندى مسؤولية إن الكل يخرج من العمل مبسوط.
- أعدت كتابة مسلسل أثينا ٣ مرات، وكنت كل شوية أقطع الورق وأعيد تاني لحد ما التصوير بدأ وكنت قلقان جدا.
- مفيش حاجة صعبة طول ما الواحد عارف هو عايز إيه، وعايز يوصل لإيه.
- الشخصيات فى مسلسل أثينا كانت كلها بتدوّر على العدل.
- من وجهة نظرى مفيش حاجة اسمها نجاح، وبستغرب لما حد يسألني إيه رأيك فى نجاح العمل، لأن طبيعى الواحد بيشتغل وبيتقن عمله.
- قولت لريهام حجاج عشان نعمل حاجة جديدة ليكي، لازم نعمل معادلة جديدة وأنا كصيدلي قررت أدخل المعادلات الكيميائية فى الفن بأننا نفتح المجال للوجوه الجديدة إنهم ياخدوا فرصة.
- المشروع السينمائي بياخد وقت أطول من المسلسل الدرامى.
- فيلم الإرهاب والكباب كان أول فيلم سينما مصرى دخلته فى حياتي، وكان عندى ١١ سنة، ما فهمتش حاجة من الفيلم وقتها بس اتأثرت جدا بأداء الزعيم عادل امام وهو بيتكلم عن رغيف العيش حسيت إنه أبويا وشبه أبهات كتير.
- حاليا بصور فيلم "أحلام سلطان المنسي" ده من تأليفي وإخراجي، وبحضر لعمل درامى مع الفنانة ريهام حجاج.
- المشاهد المصرى بيحب القصة والمعنى، وبيحب يحس إن صانع العمل احترمه.
- طموحى إن كل عمل أقدمه كأنه أول عمل، ويارب دايما أفضل أسعد الناس.
- هكون سعيد لو مسلسل "ريفو" حد عايز يعيده تاني، والعمل ده هيعيش فى الذاكرة.
- إحنا فى حاجة إننا نعيد مسلسل رأفت الهجان تاني، لأننا محتاجين نفكر الناس طول الوقت بعظمة كفاحنا وتاريخنا وبطولاتنا.
