أسماء أبو اليزيد عن العنف الزوجي: مش كل ست تقدر تهرب.. بس لازم تحطي حدودك
كتب: حسناء حسن
فتحت الفنانة أسماء أبو اليزيد قلبها خلال لقاء إذاعي مع الإعلامية إنجي علي في برنامج "أسرار النجوم"، متحدثة بصدق عن القضية المحورية التي يناقشها مسلسلها الجديد "فات الميعاد"، وهي العنف الزوجي.
وقالت أسماء:"صعب أوجّه نصيحة عامة، لأن كل ست وليها ظروفها.. في ست بتسكت عشان أولادها أو عشان تحافظ على بيتها. لكن اللي أقدر أقوله: حطي لنفسك حدود، اعرفي إنتي ممكن تتحملي إيه ولحد فين... لأنك في الأول والآخر إنسانة ليكي حق تعيشي بكرامة".
وتابعت:"أنا لو شفت راجل بيضرب مراته، هبقى عايزة أضربه، بس ساعات بخاف، لأن ممكن تكون الست دي نفسها راضية أو شايفة إن ده طبيعي".
عرض هذا المنشور على Instagram
عن الأمان والدعم:
أكدت أسماء أن الإحساس بالأمان الحقيقي بييجي من العيلة والتفاهم والدعم النفسي، قائلة:"أجمل إحساس لما تكون محاط بناس فاهمينك من غير ما تضطر تشرح أو تبرر... الصحاب اللي بيسندوا هما كمان بيصنعوا أمان حقيقي".
عن مسلسل "فات الميعاد":
المسلسل يُعرض حاليًا على قناة DMC يوميًا من السبت إلى الأربعاء في الساعة 7:30 مساءً، وتسبق منصة Watch It العرض التلفزيوني بـ 24 ساعة.
يشارك في البطولة: أحمد مجدي، محمد علي رزق، أحمد صفوت، هاجر عفيفي، وآخرون.
العمل من تأليف عاطف ناشد، إسلام أدهم، ناصر عبد الحميد، وإخراج سعد هنداوي.
وتدور أحداث المسلسل في إطار دراما اجتماعية قوية، تبحر في أعماق العلاقات الزوجية بما تحمله من حب وخيانة، طلاق وشجاعة، وتناقضات نفسية تؤثر في تفاصيل الحياة اليومية للأبطال.
