خالد تاج الدين: بحب محمود الليثي على المستوى الشخصي.. و"على حد علمي" ترند بين طلبة الثانوية العامة

لأول مرة له في عالم الغناء الشعبي، وضع الشاعر الغنائي الكبير خالد تاج الدين، كلمات أغنية «على حد علمي»، التي قدمها نجم الغناء الشعبي محمود الليثي، خلال الأيام الماضية، وتصدرت الأغنية محركات البحث، خاصة على تيك توك.

ويقول خالد تاج الدين، أنه سعيد بالتجربة الأولى له في كتابة الأغاني الشعبية، موضحًا أنه يحب محمود الليثي على المستوى الفني والشخصي، وسعيد بالتعاون الأول معه، ومتفاجئ بالصدى الكبير التي حققته الأغنية، خاصة لدى الشباب من طلبة الثانوية العامة، حيث تحتوي كلماتها على «على حد علمي، دول دخلوا علمي علشان دكاترة في بيع الناس، وانا صنت ادبي ومشيت بأدبي».

أغنية على حد علمي، كلمات خالد تاج الدين ألحان محمد عبد المنعم توزيع زيزو فاروق وإنتاج شركة روتانا إشراف على الإنتاج سعيد إمام.

وتقول كلمات الأغنية: 

نتعلم لمين
ده انتوا معلمين
طلعنا ولا نزلنا
نروح فيكوا فين 

نتعلم لمين
ده انتوا معلمين
سكتكوا تملي سالكه
واحنا في وسط الكمين

على حد علمي
دول دخلوا علمي
علشان دكاترة في بيع الناس
وانا صنت ادبي

و مشيت بادبي
و كرامتي انا اغلى من الماس
معقول يا ناس في ناس كده
تدارى ورا الهدوم

دول يعزمونا على الأذى
و الخدمه خمس نجوم
البخت ليه دايما كده
و الهم واحد منا
دي حتى كان و اخواتها
يطلعي فيها ان