أول تعليق من زوج البلوجر سلمى عبد العظيم على إعلانها خلع الحجاب 

تصدرت البلوجر سلمى عبد العظيم مؤشرات البحث مؤخرًا بعد إعلانها خلع الحجاب، وتعرضت لهجوم كبير من متابعي السوشيال ميديا وبعض أصدقائها.

وردًا على ذلك، حرص زوجها علاء جمال على التوضيح عبر حسابه على إنستجرام، وقال:في نقطتين لازم نحطهم قدامنا عشان نكون واضحين: أولًا، سلمى مش مبسوطة ولا راضية على الخطوة دي، ولا أنا أكيد. واللي حصل ده حرام ومش من دينها، نقطة ومن أول السطر."

وتابع: "من امبارح حاسس إن الناس ماسكين مفاتيح الجنة والنار في إيدهم، وبيعملوا محكمة ويقولوا مين هنا ومين هنا! مافيش مشكلة إن الناس تزعل عشانها و عليها ومنها لأنها بتحبها… بس الطبيعي إنكم تدعولها ربنا يردها ليه، مش تقعدوا تجرحوها. هي لو غلطت، وده حرام، برضه اللي انتوا بتعملوه ده حرام ومش من الدين."

وأضاف علاء: "هي انتكاسة بس، وسلمى قوية ومؤمنة وقريبة من ربنا، وإن شاء الله هترجع وأحسن من الأول. فندعيلها… كلنا ماشيين بستر الله، ومحدش فينا أحسن من حد. ولو الستر اترفع من علينا، مش هنعرف نمشي نبص لبعض. وأنا معاها وجنبها، وربنا يقدرنا على الابتلاء ده وتترجع سلمى أحسن من الأول كمان من عاب ابتلي… ادعولها، ادعولها كتير."