حازم إيهاب: طول عمري شخص محظوظ.. وكريم عبد العزيز مثلي الأعلى في الفن

تحدث الفنان حازم إيهاب، عن أعماله الفنية ومسلسله الجديد "اتنين قهوة"، خلال استضافته ببرنامج "لمن يهمه الفن"، تقديم أميرة نور على نغم إف إم.

أبرز تصريحات حازم إيهاب لبرنامج "لمن يهمه الفن"

• طول عمري شخص محظوظ فى حاجات كتير من وأنا صغير، وبحمد ربنا على نعمة الحظ. 
• كنت بعمل فيديوهات هى السبب فى إنى اكتشف موهبتي فى التمثيل، بس لما دخلت ورشة تمثيل مع المخرج خالد جلال اكتشفت ان الفيديوهات اللى كنت بعملها مالهاش  علاقة بالتمثيل خالص.
• اتمنى جدا أشتغل مع الفنان كريم عبد العزيز، وبحب التمثيل بسببه وهو مثلى الأعلى فى الشغلانة 
• ما اترددتش لحظة إني أوافق على مسلسل "اتنين قهوة" بمجرد ما كلمنى عليه المؤلف عمرو محمود ياسين، لأني كان نفسى أشتغل معاه.
• الجديد عندى  الفترة الجاية إنى بشارك  فى مسلسل "موناليزا " فى رمضان الجاي، بطولة مى عمر، وكمان هدخل مسلسل اسمه "ابن النصابة" مع الفنانة كندة علوش.
• دوري فى مسلسل "حكايات بنات"  هو الأقرب لشخصيتى الحقيقية، عشان كدة ما ذاكرتوش، كمان اتبسطت جدا بمشاركتى فى حلقة من حلقات المسلسل العالمى " moon knight”