رنا طارق زوجة الفنان محمود حجازي: كنت بلاقي ملابس نسائية في شقتنا.. وكان بيقولي إن دي حاجاتك
كتب: حسناء حسن
في لقاء صريح مع الإعلامي تامر عبد المنعم عبر برنامجه «البصمة» على قناة الشمس 2، قالت الفنانة رنا طارق:«حياتي مع محمود حجازي كانت أشبه بفيلم رعب، كنت أتعرض للعنف والخيانة المستمرة، وكنت بصدم بكل اللي كان بيعمله بعيد عني».
وأضافت: «صرفت عليه 7.5 مليون جنيه، ووقفت أساعده مادياً وقلتله اعتمد على نفسك، لكن اكتشفت لاحقًا إنه مش قادر يكون زوج ولا أب. مش قادر يكون زوج ولا أب… فين ربنا وأنت رايح للفندق للبنت؟».
وكشفت رنا عن تصرفاته مع نساء أخريات: «في بنات كتير بعتولي إنه بيكلمهم، وكان بيقول لهم إن دي طليقته. حياتي معاه مش مشاكل عادية، اكتشفت إنه شخص وحش جدًا».
وتابعت: «ابني بيعاني من شبه توحد وبيؤذيني كل يوم، ومحمود كان بيرفض إثبات زواجنا في مصر، وكمان منع سفر ابني لما طلبت الطلاق. وأنا كنت بلاقي ملابس نسائية في شقتنا، وكان بيقولي دي حاجتك».
وتطرقت أيضًا للعنف الجسدي قائلة: «ضربني 3 ساعات متواصلة، هددني بالقتل، وطلعلي السكينة. كنت بدعمه ماليًا حتى بعد زواجه، وبعت ذهبي وأديته دولارات كل ما نزلت مصر».
وختمت رنا حديثها: «وافقت أتجوزه عشان حبيته وظروفي المادية مش أحسن حاجة، لكن سلوكه الغريب وخيانته المستمرة خلوني أحس إني ضحية شخص شرير».
