رنا طارق زوجة محمود حجازي: حياتي معاه كانت فيلم رعب وضربني 3 ساعات متواصلة
كتب: حسناء حسن
في لقاء صريح مع الإعلامي تامر عبد المنعم عبر برنامجه «البصمة» على قناة الشمس 2، تحدثت رنا طارق عن معاناتها داخل حياتها الزوجية مع الفنان محمود حجازي، موضحة حجم العنف والخوف الذي عاشته.
وقالت رنا: «حياتي معاه كانت صعبة جدًا، كنت بتعرض للعنف الجسدي بشكل مستمر… ضربني 3 ساعات متواصلة، وهددني بالقتل، وطلعلي السكينة. كنت عايشة في خوف دائم ومش قادرة أتصرف».
وأضافت: «كنت بدعمه ماليًا على طول، وبعت ذهبي وأديته دولارات عشان ظروفه المادية كانت صعبة، رغم إنه بعد كده فضل يكذب عليا ويخونني».
وتابعت رنا حديثها عن الصدمات اللي واجهتها قائلة: «اكتشفت إنه بيكلم بنات كتير، وكان بيقولي إن دي طليقته، وكنت بلاقي ملابس نسائية في شقتنا وهو بيقولي إنها بتاعتي. كل ده خلاني أحس إني عايشة مع شخص شرير».
وختمت حديثها بالقول: «كنت أحب محمود ووافقت أتجوزه رغم ظروفه، لكن العنف والخيانة المستمرة خلوني أعاني يوميًا… وده اللي حبيت أحكيه للناس عشان يعرفوا إزاي كنت عايشة».
