نور هشام سليم يتحدث عن تجربته كمتحول جنسي والصعوبات القانونية في مصر

تحدث نور هشام سليم، نجل الفنان الراحل هشام سليم، عن الصعوبات التي يواجهها المتحولون جنسيًا في مصر عند الرغبة في تغيير بطاقاتهم الشخصية، مؤكدًا أن الأمر ليس سهلاً. وقال: «القانون بيشترط إنك تكون عملت كل العمليات الجراحية المتعلقة بالتحول الجنسي، وده مش حاجة الكل عايز يعملها».

وأضاف: «كمان تغيير البطاقة محتاج عرض على لجنة طبية عشان يقرروا إذا كنت مؤهل ولا لأ، وأنا بصراحة مش موافق على الإجراءات دي، أنا مش بقرة علشان اروح أقلع هدومي قدام ناس معرفهاش».

كما تحدث نور عن تجربته الشخصية مع العنصرية، مستشهدًا بتصريح والده حول التحول من ولد لبنت، وقال: «اللي كان بيحاول يقوله إن في العالم العربي، لو بنت اتحولت لولد مقبول أكتر من ولد يتحول لبنت، وده فعلاً بيحصل، فيه بنات كتير اتبهدلوا في حياتهم بسبب ده، ووالدي كان عنده حق في موضوع العنصرية ضد البنت».

وعند سؤاله عن علاقاته العاطفية بعد التحول، قال نور: «مش هقلق لو رفضتني، ومش هحب بنت لو حاسس إنها ممكن ترفضني عشان أنا ترانس».

كما كشف نور عن أثر وفاة والده عليه، قائلاً: «بموت والدي خسرت أنتيمي وصديقي وأخويا وحبيبي»، مشيرًا إلى النصيحة الأهم التي تعلمها منه: «امشي عدل يحتار عدوك فيك».

ووصف شعوره بعد تحوله من أنثى لذكر قائلاً: «مقدرش أشرح إحساسي.. زي لو أنت على مركب في نص البحر والماتور مش شغال وبقالك 23 سنة في المياه ومفيش حد بينقذك، وفجأة شفت نيويورك.. شعور تحفة».