السيسي: «بظبط كهرباء ومياه وطرق بتكلفة ربما تصل إلى تريليون جنيه»

تحدث الرئيس عبد الفتاح السيسي، عن مبادرة "حياة كريمة"، قائلآ: "هو أنا النهاردة فى الريف.. بظبط الكهرباء والمياه والطرق وعناصر أخري في حياة كريمة.. التكلفة داخله فى 800 – 900 مليار جنيه.. وربما تصل إلى تريليون جنيه ولا حاجة".

وأضاف الرئيس السيسي، خلال كلمته في افتتاح مشروع مستقبل مصر للإنتاج الزراعي: "بنتكلم عن التطوير والإنفاق على 10 ملايين فدان.. يتم الإنفاق علشان تظبط جودة حياة الناس للريف فيما يخص كل الأعمار والسنين اللي فاتت.. تكلفة حياة كريمة قد تصل إلى ألف مليون جنيه.. ألف مليون جنيه في 3 – 4 سنين.. ازرع واعمل هنا كل شيء الكهرباء والطريق وتسوية الأرض والترع اللي اتعمل فى 400 -500 سنة".

وتابع الرئيس السيسي: "زراعة الأراضي دي في الدلتا القديمة تم على سنين طويلة جدا.. انت جاي عاوز تعمله في 4-5 سنين.. دي حكاية كبيرة أوي اللي بتتعمل يا مصريين.. من فضلك مش تحط رجل على رجل.. وتتكلم في موضوعات.. الموضوعات دي كلها دراسات واتجمعت في سياق فكري وعلمي وتخطيطي علشان يتم طرحها.. مش تاخد حتة وتسيب الباقي".