بعد خضوعها لجراحة.. هلا رشدي: عشت 13 يومًا من أصعب أيام حياتي
كتب: نسرين إبراهيم
كشفت الفنانة هلا رشدي، عن تفاصيل العملية الجراحية التي خضعت لها منذ أيام في منطقة الظهر، وعن معاناتها مع المرض والألم الذي استمر لـ13 يوما قبل أن تكتشف سببه.
وحرصت هلا رشدي، على توجيه الشكر لكل من وقف بجوارها في أزمتها هذه، عبر حسابها الرسمي على "فيسبوك" في تعليق منها على صورة لها من داخل المستشفى، وقائلة: "شكراً لكل الحبايب اللي ربنا طبطب عليا بيهم الفتره اللي فاتت، وكان يوم العمليه زي الزفه في المستشفى وأنا بابتسامتي المُعتاده قاومت وأنا في قمة السعاده والألم في نفس الوقت عشان أطمِّن اللي حواليا، وبعدها عطايا ربانيه وليالي ملاح مليئة بالحب والدعم النفسي والمعنوي والمورفين، من كل قلبي بحبكم وزادت غلاوتكم في قلبي وعرفت قيمتي عندكم".
كشفت تفاصيل مرضها قائلة: "الحكايه باختصار هُمَّه كانوا ١٣ يوم من أصعب أيام حياتي من غير نوم وبـ أنين بيقطع في قلبي وجسمي ومفيش على لساني غير كلمة يا رب بكل أشكالها من قرآن وذكر بسبب آلام مزمنه متواصله زي النار القايده في ظهري و رجلي الشمال اللي فشلت كل المسكنات في تسكينها ده انا ضربت تيمو يا أخي والأدهى والأمَر إني كنت بره مصر ومش عارفه أرجع لأسباب لها علاقه بالإجراءات.. وما صبَّرنيش فيهم إلَّا وَنَسي بالله والسكينه اللي ملأ بيها قلبي وهوه بيطمني بكلمتين بيملأ بيهم روحي "فَصَبرٌ جميل".
وتابعت، "ورجعت مصر واكتشفنا في الرنين المغناطيسي إن الغضروف الموجود بين الفقره الرابعه والخامسه إنفجر ونزل على عصب رجلي الشمال .. كانت عمليه صعبه لكن بفضل الله ثم بدعواتكم الحمد لله تمت العمليه بنجاح وفتحت صفحه جديده مع نفسي ولروحي ربنا يديمها عليا نعمه و يحفظها من الزوال ونوَّر بصيرتي و شوفت كل حاجه على حقيقتها".
وأكدت أنها غادرت المستشفى، قائلة: "أنا رجعت البيت الحمد لله ومن النهارده بدأت رحلة العلاج بالمكوث شهر في المنزل مستلقية على ظهري عشان كل حاجه ترجع لنصابها الطبيعي ان شاء الله.. أرجوكم أحمدوا الله على نعمة الصحه وادعوا يديم عليكم الستر والصحه و العافيه.. لا أراكم الله مكروه فيكم ولا في ذويكم".
واختتمت، "ملحوظه: الصوره ديه من أصل كتير لكن من أحب الصور لقلبي لإن فيها نظرات وفيها مشاعر ومعاني كتير تصوير جوجو حبيبت".
