تامر حسني يتبنى حملة مرضى ضمور العضلات.. ويطلق مبادرة لحل أزمة الأمراض المكلفة
كتب: نسرين إبراهيم
أعلن النجم تامر حسني، عن تبني حملة علاج مرضى ضمور العضلات، بعد مطالبة القائمين عليها بدعمهم، كما طرح مبادرة لحل الأزمة الأمراض المكلفة.
ونشر تامر حسني، مقطع فيديو من برنامج حديث القاهرة الذي يقدمه الإعلامي خيري رمضان، تضم فقرة تم من خلال طرح نداء له من قبل المسؤول عن حملة علاج مرضى ضمور العضلات لدعمهم، ورد عليه، قائلا"يا حسين يا حبيبي أنا معاك و بدعمك و بدعم حملتك الإنسانية السامية وسلامي لصديقي وحبيبي أستاذ خيري رمضان".
وطرح "حسني" مبادرة جديدة، قائلا: "وعندي فكره أتمنى رعايتها ودعمها من أجل كل مريض، فكرة مش هتخلي مريض واحد في مصر يمد أيده لحد، لو مليون مصري اشترك فيها هنحل أزمة الأمراض المكلفة في مصر كلها، مليون مصري بس من الـ120 مليون مصري هيتطوعوا على حساب معين للتبرع، وهيكون في لجنة مسؤولة من جهة رسمية مسؤولة في الدولة بتقيم الحالة مادياً".
وأضاف: "والمليون مشترك دول هيكونوا بيتبرعوا بشكل دائم كزكاة عنهم وعن أولادهم لخدمة مجتمع كامل وممكن نسميها مثلاً صفحة المليون أخ، كل ما تظهر حالة محتاجة رقم صعب الصفحة هتدرسها وتعلن عن الحالة وتكلفتها".
وتابع: "التبرع هيبقى في حدود من 20 جنيه لـ40 حسب الحالة بس ساعتها أول ما هنعلن هنجمع الفلوس في ثانيه لكل المحتاجين وكل المقتدرين اللي ربنا هينور قلوبهم وهيشتركوا في الحساب ده، مش هيحسوا إنهم دفعوا حاجه بس هينقذوا حياة أطفال كتير وناس كتير محتاجة، ومين عارف جايز الفكرة دي تخلي مفيش ولا واحد مريض في مصر مش لاقي يتعالج وجايز المليون مشترك يكتروا، والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين ونخليهم ميمدوش إيديهم لحد يكسفهم".
واختتم: "ربنا خلقنا عشان نساعد بعض و زي ما علمنا رسولنا الكريم.. خير الناس أنفعهم للناس يعني ربنا بيحب الناس اللي بتنفع الناس وأي صدقة بتخرج من أي حد مستحيل تنقص ماله بالعكس هيضاعفها ربنا في رزقه وهيكرمه ويطهره ويرفع عنه بيها يارب الفكرة دي تتحقق".
View this post on Instagram
