دينا فؤاد تهاجم طليق منة عرفة: معندوش ذرة رجولة

هاجمت الفنانة دينا فؤاد، محمود المهدي طليق الفنانة منة عرفة، بعدما شن هجوم على الأخيرة واتهامها بالخيانة والتشهير بها بعد شهرين زواج، ليثير جدلا واسعا بتصريحاته عقب إعلان طلاقهما.

وقالت دينا فؤاد، في تعليق على تصريحات طليق منة عرفة، عبر خاصية "ستوري" بحسابها الرسمي على "إنستجرام": "الكلام اللي كتبه الكائن اللي كان متجوز منة عرفة، بيدل على إنه معندوش ذرة رجولة..  أنا بنت واتكسفت أنشر كلامه لأن دي أعراض إزاي طالع يتكلم في عرض اللي كانت مراته بالشكل ده؟!".

وأضافت: "والله أنا حزينة على منة اللي ما سمعتش كلام حد، وحزينة ع الإعلام اللي عمل قيمة لواحد زي ده، وخلاه فكر إنه مهم لدرجة إنه يطلع يفضح مراته ع الأكونت بتاعه".

وتابعت: "كفاية بقى اقفلوا بيوتكم عليكم، وبطلوا القرف اللي بتصدروه للسوشيال ميديا، مش كل حاجة تنشروها عيب البيوت ليها حرمة".

واختتمت: "أتمنى الناس اللي بتشير الاستوري بتاعته توقف ده شرف بنت محدش هيرضاها على نفسه".