فريدة وكاميليا شريف منير تردان على رسالة عتاب والدتهما: «ليه بتخلى شكلنا كده قدام الناس ؟»
كتب: مؤمن نصر
بعد أن أثارت الفنانة لورا عماد، حالة من الجدل عندما وجهت رسالة قاسية إلى ابنتيها "فريدة وكاميليا" من الفنان شريف منير، وكشفت عن طبيعة العلاقة بينهما للجميع، ردت فريدة وكاميليا عليها، ووجهوا لها اللوم على إعلان شكل علاقتهما على الملئ.
وردت فريدة ابنة شريف منير، على رسالة والدتها قائلة: ليه بتعملي كده؟ ليه بتخلي شكلنا كده قدام الناس؟.
لترد عليها والدتها لورا عماد قائلة: إنتوا بتموتوني كل يوم وأنتِ عارفة كده كويس، ربنا يهديكي صحيح الزن على الودان أمر من السحر.
أما كاميليا فقالت: عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده.
لترد عليها والدتها قائلة: أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم.
وقد نشرت لورا عبر حسابها الشخصي على موقع الفيديوهات والصور إنستجرام، مقطع فيديو ظهر فيه ابنتيها مع والدهما النجم شريف منير، وهم يتناولون الطعام في أحد المطاعم الشهيرة، وكتبت معلقة: "رسالة إلى بناتي فريدة وكاميليا، بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
أوضحت لورا: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
وكانت قد غابت الفنانة لورا عماد، عن تقديم أى أعمال فنية طوال عشرون عاما منذ أن قدمت فيلم "لو كان ده حلم" عام 2001 قبل زواجها من الفنان شريف منير، ولكنها عادت مرة أخرى إلى التمثيل مؤخراً بمشاركتها في حكاية "وانسى روحي وياك" من مسلسل "نصيبي وقسمتك 4".
"وانسى روحي وياك" من تأليف عمرو محمود ياسين، ويشارك في بطولته كل من ميرهان حسين ومحمد عز ولورا عماد وأيمن عزب ومروى الأزلي وإيمان السيد وغيرهم، والحكاية من إخراج عصام نصار.
View this post on Instagram
