حمو بيكا يعلق على مبادرة محمد نور للصلح مع الموسيقيين: أنا عايز أكل عيش في بلدي

علق مطرب المهرجان حمو بيكا، على مبادرة الصلح التي أطلقها الفنان محمد نور، لحل أزمته مع مجلس نقابة الموسيقيين، بعد اتهامه لبعض أعضائها بالرشوة وتبادل التصريحات المسيئة بين الطرفين.

وقال حمو بيكا، في تعليق على منشور محمد نور، عبر حساب الأخير على «إنستجرام»: «شكرا لأخويا النجم محمد نور، الليأانت شايفو أنا هعملو، أنا عاوز أكل عيش في بلدي، علشان أنا بحب جمهوري في بلدي، واللي حضرتك شايفو أنا معاك فيه، وعفالله عما سلف، وطبعا أي حد علي دماغي ودي مبادرة كويسه منك، شكرا لدعم ليا، وأنا أخوهم الصغير ».

وكان قد أعلن محمد نور، عن دعمه ومساندته لحمو بيكا، كما تقدم بالاعتذار للنقابة بالنيابة عن الأخير، وذلك من خلال مقطع فيديو، قام بنشره عبر حسابه الشخصي بموقع تبادل الصور والفيديوهات انستجرام، وعلق عليه قائلًا: «لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه».

وأضاف نور: «هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع».

وتابع محمد نور: «أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف».

واختتم محمد نور: «شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبو اليزيد، وأنا متأكد أنكم هتتعاونو معايا، وده مش جديد عليكو».