أفشة: «أبويا بيخاصمني لما الأهلي بيخسر.. وهفك السلك النهاردة»

أعلن الإعلامي أحمد شوبير، حقيقة العروض المقدمة لصانع ألعاب النادي الأهلي، محمد مجدي "أفشة"، وتطورات حالاته الصحية وموعد عودته للتدريبات.

«أفشة» يعود للملاعب

كشف أحمد شوبير خلال أحد البرامج الإذاعية عن حديث دار بينه وبين نجم الأهلي المصاب "أفشة"، وقال: "أفشة كان بيكلمني إمبارح، وقالي ياكابتن أنا كان ليا عتاب عندك، لأنك قولت إني اتأخرت في إجراء العملية، فحابب أوضحلك.. أنا كان عندي فتق يمين قبل ما أجي الأهلى وعملته، وبعدها جالي الفتق الشمال، وبلعب بقالي 5 شهور وأنا بتقطع ومقدرش أقول للنادي لا عشان الظروف اللي فيها، وبقالي 3 سنين مخدتش إجازة، فقلت أخد إجازة 15 يوم وبعدين أعمل العملية، وده اللى حصل، وهفك السلك اليوم الأثنين، وأبدأ الجري من بكرة بشكل عادي".

اقرأ أيضًا...بحضور سواريش.. الأهلي يؤدي تدريباته استعدادًا لمباراة سيراميكا...

عرض تركي لـ «أفشة»

وواصل "شوبير" حديثه عن العروض المقدمة لصانع ألعاب الأهلي: "أفشة قالي إن فيه عرض تركي بالفعل، ووكيله بيتناقش فيه مع مسئولي الأهلي، بس لو الأهلي رفض.. قالي نصًا: مقدرش أقول للأهلي لا أنا كنت عندك في برنامجك، وقولتلك حلمي أني ألعب في الأهلي، لكن لو الأهلي رحّب بالعرض، يبقى لازم أشوف أكل عيشي.

واختتم حديثه: "أفشة قالي أبويا بيخاصمني لما الأهلي بيخسر، وبيكون يوم نكد علينا كلنا، وأفشة كمان لمّحلي إن ممكن يكون في تمديد تعاقد لعقده مع الأهلي الفترة الجاية".