كشف حقيقة تعذيب أطفال دار أيتام بالتجمع الخامس

تفحص أجهزة الأمن بالقاهرة منشور متداول عن تعذيب أطفال دار أيتام بمنطقة التجمع الخامس.

ويقوم رجال المباحث بعمل التحريات للوقوف على ملابسات الواقعة واتخاذ الإجراءات القانونية اللازمة حيالها. 

وكان رواد مواقع التواصل الاجتماعي "فيس بوك" تداولوا منشور مفاده اكتشاف مشرفي حضانة أطفال آثار تعذيب على جسد طفل أثناء ذهابة للحضانة، 

وجاء في المنشور "طيب ده ضهر طفل عمره 5 سنين ... يرضيكم كده طيب ؟

أضاف المنشور"ده طفل بيروح حضانه في التجمع الخامس زي اي طفل ... الحضانه اكتشفت الآثار دي علي ضهره و لما سألوا الطفل قال لهم ان دي آثار ضرب بتوكة الحزام !!

وتابع المنشور "الحضانه بيروح لهم أكثر من طفل من نفس الدار .. و لما اتكلموا معاهم اكتشفوا إن كلهم بيتم ضربهم بالمنظر ده وعليهم آثار تعذيب برضو، وفي منهم طفل مش بيتكلم أصلا لأن لسانه فيه عيب خلقي، ده غير إن طفل فيهم بيقول إن في مشرف بيمسكه من أماكن حساسه بالليل وفي الحمام !!

وأشار المنشور "الحضانه اتصدمت، و قررت تبلغ الدار وتروح بنفسها لمقر الدار في التجمع، وإللي بتقوله كارثي، بيقولوا لها معلش هو شاطر مع الكبار فهنرجعه للكبار تاني، ونجيب غيره للصغيرين! وإن الاطفال اللي بتروح الحضانة من أطفال الدار مجرد ما حد يقرب منهم أوي يرفعوا إيدهم يخبوا وشهم، وكإنهم متعودين علي الضرب في كل وقت ومن كل الناس، عشان كده خايفين طول الوقت.

كما جاء المنشور"طيب روايات الاطفال دي واللي بيحصل فيهم نفهم منه إيه، ان في كارثة في إدارة هذه الدار يستاهلوا يتحاسبوا من صغيرهم لكبيرهم، وبما إن الآثار واضحه كده فأكيد الدار عارفه إللي بيحصل للأطفال لانهم أكيد بيغيروا للاطفال والاثار واضحه جدا، وكمان نفهم ان في إهمال من وزارة التضامن الاجتماعي في الرقابه علي هذه الدار، وغيرها.

نفهم كمان إن قانون العقوبات تجاه الايتام لازم يتغير، لازم العقوبه يتم تغليظها، عشان العقاب يكون رادع لأن اللي بيعملوا كده في أيتام معتمدين علي إن دي أيتام مش بتتكلم !

والحضانه سجلت للأطفال فيديوهات بيوثقوا كلامهم، وده من فضل ربنا، لأن الجمعيه اول ما عرفت إن الحضانه اكتشفت الكوارث دي، بطلت تبعت الأطفال للحضانه.