«ياريتني متت بدالك وروحي طلعت بدل روحك».. الإعلامية اللبنانية فاتن موسى تعلن وفاة شقيقها
كتب: شروق خالد
أعلنت الإعلامية اللبنانية فاتن موسى طليقة الفنان مصطفى فهمي وفاة شقيقها، ونعته بكلمات مؤثرة عبر حسابها الشخصى على "إنستجرام".
نشرت "موسى" صورة شقيقها ووالدتها، وأرفقت تعليقًا عليها قائلة: "علي حبيبي وحبيب روحي هيك ودّعت الماما بالمطار، على أمل ترجع ودايماً كنت تضحكها وتوعدا إنك ما بطّول، طول الوقت كنت ما حب شوف هالصورة لأنو فيا دمعة إمي عفراقك، كسرتلا ضهرا اليوم للماما يا علي وكسرت ضهر البابا ومنى وزينة وضهري، آآخ يا خيي يا روحي يا نور عيوني أديه كنت مشتاقتلك وموعودة شوفك ويتجمع شملنا أريبًا".
تابعت: "والله أنا كنت إقوى فيك وبالماما عمصايبي واتخطى كل حزن طول ما إنتو بخير، إمي بيي إخوتي والله ما كان بدي شي من هالحياة إلا تضلوا بخير إدامي وجنبي وحواليي، تحملت كل شي وأي شي كرمالكن ومعكن طالما شادة ضهري فيكن وطالما إنتو بخير، وضليت قوية لتبأى الماما قوية وشادة حالها وعمتضحك، أديه حملناها هموم وأديه قلبها حمل همنا وما صدقت صحتها تحسنت وصحة البابا صارت منيحة، لحتى انفجعوا فيك يا حبيب روحي".
إقرأ أيضًا: فاتن موسى تستعين بآيات من القرآن للتدليل على حقها فى بيت طليقها مصطفى فهمى
استطردت: "أنا عايشة وإنت بآخر الدني لحالك، الله يعوضك بالجنة عن كل الوجع والاغتراب والوحشة والكفاح والصبر الي شفتن بالدنيا يا علي يا حبيبي انت شهيد بإذن الله عنده منحتسبك شهيد متت لحالك وحيد غريب مظلوم عبتناضل كرميل لقمة العيش ..وكان بقلبك إيمان كبير، وثقة ويقين أنو الله رح بعوضك تعبك وتحقق أحلامك وأحلام بنتك وترضي إمك وبيك، إنت بإيدين رب الكون رب العالمين الرحمن الرحيم أرحم مني ومنك عليك يا خيي، ياريتني متت بدالك وروحت طلعت بدل روحك".
واختتمت فاتن موسى منشورها قائلة: "الله يكرم روحك بالجنة ونعيمها يا علي يا عمري يا شهيد يا حبيبي ويعوضك فيها عن كل وسخ هالدنيا الفانية، وتكون مبسوط ومرتاح ومطمن يا خيي، سامحني تأخرت عليك ما قدرت كون حدك ولا ودعك بعرف أديه كنت تحبني وتقويني وتنصحني وتدعيلي ما نسيت ولا كلمة قلتلي إياها يا خيي.. حسبي الله ونعم الوكيل.. والله يجعل الجنة والفردوس الأعلى مثواك يا حبيب ألبي ويربط عقلبنا ويصبرنا عفراقك با روحي أخدت روحي معك يا علي، إنا لله وإنا إليه راجعون".
View this post on Instagram
