نادية الجندي تكشف عن مواصفات فتى أحلامها المستقبلي

أثارت النجمة نادية الجندي، الجدل خلال الساعات القليلة الماضية بعد أن كشفت في مكالمة هاتفية مع إحدى البرامج التلفزيونية عن مواصفات فتى أحلامها. 

وقالت نادية الجندي: «الأهم بالنسبة لي في العام الجديد العمل في السينما ولو لقيت ابن الحلال يبقى مفيش مانع».

وأضافت: «يكون ابن حلال بس مش طالبة أكتر من كده بمعنى أحس أنه سندي ومقدر قيمتي وحنون وأحس جنبه بالأمان لأن ده أهم إحساس في العالم».

وعن السينما قالت: «أتمنى في السنة الجديدة أقدم عمل في السينما، لأنها في دمي وهي كل حاجة في حياتي، وأنا زي السمكة لما تخرج من المية تموت، لأني لو ما وقفتش قصاد كاميرا أحس أني هموت وحياتي انتهت، ولأني من وأنا طفلة وعمري 13 سنة بمثل ومن 5 سنين بمثل في المدرسة، والحكاية بقت جوايا الكاميرا هي حياتي».