بالفيديو| مينا عطا يطرح أغنيته الجديدة «أنا بتخان»
كتب: نسرين إبراهيم
طرح المطرب مينا عطا نجم الموسم الأخير من برنامج اختيار المواهب الشهير "ستار أكاديمي" أحدث اعماله الغنائية بعنوان "أنا بتخان" عبر حسابه الرسمي بموقع الفيديوهات الشهير "يوتيوب" وعدد من المنصات الغنائية الرقمية.
كلمات أغنية أنا بتخان لمينا عطا
ماتت روحى خلاص روحى .. يا طيبة شيعت بزيادة
هعيش واحد وأكون جاحد .. برد غشيم غير العادة
جبل واقف و مش خايف .. راجل ورقبتى سدادة
قلوب سودة مفيش رحمة .. بكسرة عينكوا هتراضى
أنا بتخان .. لقيت الغدر و القلة فى كل مكان
وشايف نفسي فى مراية .. بقيت بهتان
أنا حساس .. وروحت فى عزلة مع نفسي هجرت الناس
كفاية إن اتكسر نفسي تعبت خلاص
الغدر بتاعكوا ساب .. ساب جرح وكله وجع
الصح معاكوا غاب .. والنور فى قلوبكم قطع
مش نافع فيكوا عتاب .. مبدأكم مش جدع
العيش و الملح تراب.. كان جوع من بعد شبع
وكان قد تعاون مينا عطا مؤخرا مع المطربة رنا سماحة في أغنية بعنوان "باد بوي" والتي قدمها الثنائي على طريقة الديو وهي رؤية فنية و موسيقية لـ حمادة بسيوني وكلمات الشاعر الغنائي كريم كلوشة ألحان و توزيع موسيقي رامي المصري وجيتار أحمد حسين.
