إيناس مكي: المخرج داوود عبد السيد استبعدني من «مواطن ومخبر وحرامى» عشان رفضت تجسيد مشاهد حميمية

كشفت الفنانة إيناس مكي لأول مرة عن أسباب استبعادها من المشاركة فى بطولة فيلم "مواطن ومخبر وحرامى"، للمخرج داوود عبد السيد، وذلك لرفضها تجسيد بعض المشاهد الجريئة والحميمية التي كان يتضمنها دورها في الفيلم.

وأوضحت "مكي" خلال استضافتها مع الإعلامية ياسمين عز في برنامج "كلام الناس" عبر قناة MBC مصر قائلة: "الفيلم كان ليه بطلتين واحدة متحررة بتاعة كتب وبتتكلم عن حرية المرأة ودي الشخصية اللي اتعرضت عليا، والبطلة التانية من الطبقة الشعبية، واللي اشتغلت معايا البروفات كانت حنان ترك مش هند صبري".

وتابعت: "اشتغلت شهرين بروفات والدور لو كنت عملته كان هيبقى نقلة رهيبة ليا، وكان 35 مشهد، لكن كان منهم 7 مشاهد فيهم تفاصيل أنا لو قلت تمام هصورهم، والـ 7 مشاهد كان فيهم مشاهد إنها هتبقى بقميص النوم وهتقلعه وهتبقى بالملابس الداخلية وأنا مش هعرف أصور ده، وفيه مشاهد تانية حميمية، ومشاهد مع شعبان عبدالرحيم".

واختتمت "مكي" حديثها قائلة: "المخرج داوود عبد السيد سألني يعني حضرتك معترضة على إيه بالظبط؟ قلتله أنا مش ممثلة متخلفة ومؤمنة بدوري في توصيل المشهد، لكن التفاصيل دي أنا مش هقدر أقدمها والمعنى نفسه هوصله، فرد وقاللي هنبقى نشوف الكلام ده، وبعدها استبعدت من الفيلم".

يذكر أن فيلم "مواطن ومخبر وحرامي" من بطولة خالد أبو النجا، شعبان عبد الرحيم، هند صبري وغيرهم نخبة من النجوم ومن إخراج داوود عبد السيد.