هاله صدقي: «رفضت العمل مع محمد صبحي لأني كنت هبقى نقطة ضعف.. والمسرح حاليًا اسكتشات»

كشفت الفنانة هالة صدقي عن سبب اعتذاها عن المشاركة بالأعمال المسرحية التي قدمها الفنان محمد صبحي مؤخرًا.

وقالت هالة صدقي خلال الندوة الخاصة بها على هامش تكريمها بمهرجان الأقصر للسينما الأفريقية،:" لما أعمل مسرحية لازم أعرضها شهر عشان المُشاهد ميحسش إني مش بحترم وقته وبقدم له سلعة مضروبة، ونفسي أرجع مسرح بس يكون مسرح صح، وبالنسبة لمسرحية أستاذ محمد صبحي كان سبب اعتذاري عنها أولًا إن كان عندي ارتباط، ثانيًا المسرحية كانت كلها كوميدي ودوري أنا بس اللي كان تراجيدي".

وأضافت قائلة :" قولت لـ محمد صبحي أنا كدة هبقى نقطة ضعف في المسرحية، طبعًا أنا هموت واشتغل معاه بس اضطريت أرفض، عشان الناس لما تلاقيني أنا وهو مع بعض على الأفيش هيكونوا مستنين يدخلوا يضحكوا، وهيلاقوني تراجيدي وده هيأذي المسرحية مش هيفيدها".

وأشارت هاله صدقي إلى أن المسرح الحالي لم يرق لها، قائلة :"أنا عاشقة للمسرح، وكان في عروض مسرحية كتير الفترة اللي فاتت، لكن ده مش مسرح، أنا شايفة إنهم بيروحوا يعملوا اسكتشات، وفي جمهور للفن والفنانين المصريين، فـ إحنا لازم يبقى عندنا شوية سيطرة وتنظيم للفرق المسرحية اللي بتسافر تعرض في البلاد العربية، لأن في الاخر دي شايلة".

وتُكرم الفنانة هالة صدقي إلى جانب محمد رمضان وهشام نزيه بالدورة الحالية من مهرجان الأقصر للسينما الأفريقية، المقامة بمدينة الأقصر.