«مكالمة صوتية» تكشف حقيقة تجاهل أحمد فلوكس لوالده بعد تصريحاته الأخيرة
كتب: شروق خالد
رد الفنان أحمد فلوكس، على تصريحات والده الفنان فاروق فلوكس الأخيرة في أحد اللقاءات التليفزيونية بأنه يتجاهله ولا يتواصل معه بإستمرار.
ونشر «أحمد» مكالمة هاتفية تجمعه بوالده فاروق فلوكس عبر حسابه الشخصي على «إنستجرام» وعلق عليها بقوله: «حسبي الله ونعم الوكيل فيكم.. مارحمتوش الراجل الكبير.. بس تمام.. صبرا».
وظهر صوت والده خلال المكالمة قائلا: «أنا يا أحمد مش كويس ولما بطلع أتكلم في البرامج بقول كلام كتير لأن أنا قلبي طيب والله».
ليرد أحمد من خلال المكالمة قائلا: «هما مش هيستوعبوا كلامك، وعايزين يطلعوني مجنون تمام، أنا عارف اللعبة دي اللي هما بيلعبوها، وهما مش هيفهموا، لما يكون عندي مشكلة مش هاجي أقولك أنا بمر بأيه، لأن المفروض لما يكون عندي مشكلة مقولكش عشان سنك، وهما عرفوا يشحنوك وياخدوا كلام معين منك، بناء على سنك أنك كبرت».
ليرد «فاروق»، معلقًا على حديثه: «أرجوك متزعلش مني»، ليوجه له أحمد رسالة بقوله: «جزمتك فوق رأسي يا بابا، متشيلش جواك أي حاجة، دي لعبة قذرة أنت ملكش ذنب فيها، أنت عارف إني بحبك جدًا، ومقصرتش معاك، ولو مجتش البيت الفترة اللي فاتت ده لأن عندك ظروف معينة أنت عارفها كويس، وأنا مش هطلع أشرح الكلام ده، وأتكلم في بيتي وحياتي الشخصية».
View this post on Instagram
